Ezaya 41:1 - Amazwi Yakwe Leza 2013

¹ Leza wavwanga wati, “Myalalini, uvwini kuno mwe antu yamu nsi ntali! Zwalilini mutwale imilandu inu ku kupingulwa. Mumaya mukaivwangile mwenga. Aleni fwandi katwapita tuye tukayuvwile umu ulungami.

Ezaya 41:1 ပူးပေါင်းရင်းမြစ်များ

Yobo 38:3

Ale ndi wewe monsi monsi, katuka zwalila, pano lyene nemo natinakuuzya, nawe uwasuke.

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 34:1

Palamilini kuno mwe antu amitundu yonsi, kolonganini apakuti muvweko. Antu yonsi yano yikala pano nsi kaize yuvwe kunondi.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezaya 41:5

Antu ya mpanga ntali yalola vino nemo nacita, ni ntete ziyalema yazakaza nu kuzakaza. Fwandi ali cino yonsi yakongana yiza.

Ezaya 43:26

Aleni fwandi katuteke imilandu namwe, landini umulandu uno mumampeela! Londololini tuvwe umulandu winu, apakuti munsinile ukuti mwemwe mukalungika.

Ezaya 43:9

Mitundu yonsi ya antu ikongane, antu amu nko zyonsi yazanwe ukwi tengo. Uzye a kaleza cii akaluwi akangasokolola ivya nkolelo? Uzye a kaleza cii akaluwi akangalanda ivyacitike mpiti? Kayalete tuvwe yakambone yao akuti yatusinile ukuti yene yakalungika. Kayaleke antu yayuvwe tulole ndi cakuti ivyacumi.

Ezaya 48:16

“Acino fwandi mwemo palamilini sile kuno, muvwe vino nemo nkuvwanga. Ukutandika sile uku katalili, nemo nkamulandila ivintu apaswe, nupya lyonsi nkaleka vino ndanzile vicitike.” (Lyene Yawe wampeela Umupasi wakwe, nu kuntuma.)

Ezaya 49:1

Uvwini kuno mwe antu mwemuno mwikala ukutali, mwe mitundu ya kutalitali. Yawe wansolwile lino ntali mvyalwe, wansonsile ukuya umuomvi wakwe.

Ezaya 50:8

Ala nemo kavwangila wane ali mupipi, aweni fwandi angandololwesya? Katwimilile nawe apali ponga. Uzye similandu unji aweni? Kapalame kunondi tuvwe.

Habakuku 2:20

Lelo Yawe wene ali umwi Taalu lyakwe ilyamuzilo. Acino lekini umuntu wensi aye cele pa manso yakwe.”

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.