Ezaya 40:4 - Amazwi Yakwe Leza 2013

⁴ Vifoloma vyonsi vilazikwa, ni milundu ni myamba vilapasiwa, ni miseo iyongane ilolololwa, inzila zya tulundu tulundu zilalinganyiwa.

Ezaya 40:4 ပူးပေါင်းရင်းမြစ်များ

Mapinda 2:15

Inzila zyao izya ucenjezi, zino umuntu nanti umwi atange ataile foo.

Ezaya 40:3

Amazwi yakuvwika yakuti, “Zifini umuseo umwakupita Mwene umu lwanga! Olololini inzila zyakwe Leza mu matololo.

Ezaya 40:5

Alino lyene ucindami wakwe Yawe ulasokololwa, cakuti na antu yonsi yalaulola. Yawe umwisikulu uwatavwanga vii.”

Ezaya 42:11

Lekini ulwanga ni misumba iyaya mwenemo vilumbanye Leza. Lekini aina Kedali yamulumbanye. Lekini aina Sela yamwimbile nu luzango, yumile nu tupundu apapela apa myamba.

Ezaya 45:2

Wene wavwanga wati, “Nene kwene ndakukolelela, nu kupasa imyamba. Ndapankola impongolo zya mukuwa, nu kuputola imifikilo ya vyela.

Ezaya 49:11

“Imyamba yane yonsi ndaisangula imiseo, nu kuteyanyizizya antu yane cikuma wa nzila, wakuti yace yasalala mu myamba.

Ezaya 62:10

Pitini, pitini mu mpongolo! Umilini antu inzila! Lundumalikini umuseo, fumini mwenemo amawe! Tumpwilini imitundu imendela!

Ezekelo 17:24

Alino imiti yamu mpanga yonsi kwene ilamanya ukuti nene indi Yawe, nu kuti nene nkasinda imiti itali, nu kuleka imiti iipi aino italimpisye, nu kuti nene nenga nkaleka imiti iisi yauma nga nu kulenga ukuti imiti yume yalemba. Ee, anene ne Yawe nalanda nu kucita avino ndacita.”

Ezekelo 21:26

Ne Yawe Simwandalali avino nalanda. Ale lyene zula icisote cako ca wene, ni cisalu cico cino upomvile ku mutwe cizule. Ee, ivintu vyonsi lyene vyasenuka. Alanda lyene ayano kayateeka! Yakateeka kayaye alanda!

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Luka 3:5

Vifoloma vyonsi vilazikwa, ni milundu ni myamba vilapasiwa, ni miseo iyongane ilolololwa, inzila zya tulundu tulundu zilalinganyiwa.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.