Ezaya 40:2 - Amazwi Yakwe Leza 2013

² Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

Ezaya 40:2 ပူးပေါင်းရင်းမြစ်များ

Utandiko 34:3

Lelo nanti wacisile vivyo wali nu lwiswa pali Dina umwana wakwe Yakobo. Watemilwe mukazyana nga atandika ku mulanzya na mazwi yakumulyongofya.

2 Milandu 30:22

Hezekiya nawe wataizye sana aina Levi pali ufundi wao uwa kutungulula umulimo wa kupepa Yawe. Pa manda cinimbali lino yalile vipande vyao nu kupeela amawila ya utandano nga nu kulumbanya Yawe, Leza wa vikolwe vyao. Pacisila ca manda cinimbali yano yapeelanga amawila kuli Yawe Leza wa vikolwe vyao,

Masamu 32:1

Wasyuka umuntu wiyo wino amaifyo yakwe yafumiziwa, wino inkota zyakwe zyelelwa.

Masamu 85:3

Watuta nu kuyakalipila, ni cipyu cako icikalipe caticisila.

Kufuma 22:3

Lelo ndi cacitika musanya, umuntu wiyo angapeelwa mulandu wakutala katwe. “Icumi kwene umwivi alinzile alipile pali cino wiya. Lelo ndi cakuti atakweti icakulipa, lyene yalinzile kumukazya kuti alipile pali vino wiya.

Kasambilizya 3:4

Kwaya insita ya kuvwa ulanda ni nsita ya kusansamuka, kwaya insita ya kulosya ni nsita ya kucina.

Ezaya 12:1

Mu wanda ulya antu yalimbila ulwimbo luu, yati, “Nakutaizya we Yawe! Wansokile, lelo icipyu cako caticisila. Watumyalalika umwenzo wane.

Ezaya 14:3

Uwanda uno Yawe alaleka mupemwile uku macuzi inu, uku ulanda nga nu ku uzya winu uno mwateekwa,

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Ezaya 33:24

Apa antu yonsi aaya umu mpanga itu, patalaya nanti wenga alailizyanya apakulwala. Alino antu yonsi nayo yalaelwa uluse apa uyi wao.

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 49:25

Lelo Yawe wavwanga wati, “Endi, azya yalapokololwa mu minwe ya vita, ni visampwe vilapokololwa ku antu ankalwe. Nemo ndalwisya yayo akamulwisya, alino ndatuula na ana inu.

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Ezaya 53:5

Lelo ukuya kwene, apali ucipote witu, icalenzile ukuti yamucisole vivi. Apamulandu wa uyi witu, icalesile ukuti yamume mu musango uwa. Ukuumwa kwakwe ukwalenzile ukuti twikale mu longo. Ivyumo vyakwe ivyalenga ukuti tupole.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Ezaya 54:15

Ndi cakuti yamwi yakukatukila, asi nene ndalenga foo. Na wiyo wensi wino wakutandika, wene alailetelela sile umweneco.

Ezaya 54:17

Kuu kuli kulanda kwakwe Yawe.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Ezaya 6:7

Wiza walisintikizya apa milomo yane nga avwanga ati, “Walola, nakukumya cii apa milomo. Fwandi ukwifya kwako kwasila, ni viipe vyonsi vyafuma.”

Ezaya 61:7

Insonyi zinu nu kusaaluka kwinu vyativisila, lyene mumaikalilanga mu cifulo cinu ni vyuma vinu vimasandulukanga. Fwandi mumasansamukanga pee.

Ezaya 66:13

Nemo ndamumyalalika mu Yelusalemu, ndi vino nacivyazi akamyalalika umwana wakwe.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Yelemiya 51:10

Yawe lyene watalanga ulungami witu. Fwandi katwapita tukalande uku Zioni, ivicitwa vyakwe Yawe Leza witu.

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Ezekelo 16:42

Avino ndamyalalika icipyu cino nakukwatila. Alino uzuwa wane ulakutaluka, umwenzo wane ulamyalala, nu ukali wane ulasila.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Danieli 12:4

Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Danieli 12:9

Nawe pali pakwasuka ati, “We Danieli, ulinzile kupita, pamulandu wakuti amazwi yaa yalinzile kusungwa inkama nu kufiswa mpaka uku mpela ya nsita.

Danieli 9:12

Wemo watufikilizya vino wavwanzile ukuti ulafikilizya ivyakupezya sweswe kumwi ni ntunguluzi zitu. Wavunwike Yelusalemu icikalale ukuluta umusumba uze uli onsi pano nsi.

Danieli 9:2

ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Oseya 2:14

Caleka, namalyombeleka umwanaci wiyo, namapita nawe ku lwanga nu kulanda nawe mu mazwi amutembo.

Oseya 2:16

Mu wanda ulya apakungama ulangama uti, ‘Wane.’ Utalatala ungame uti, ‘Baali wane.’ Kuu kuli kulanda kwakwe Yawe.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Zakaliya 1:13

Acino Yawe avwanga amazwi ya luse nupya akutekezya ku mungeli wiyo wino wavwangine na aliwe.

Zakaliya 1:15

Lelo antu amu mitundu yuze njakwatile icipyu wakwe cimwi, yayo yano yali ku matwi cele.’

Zakaliya 9:12

Swililinimo mwe azya mwemuno mukalolela ukukululwa, swililini ku mwinu kwa kwikalilila umutende. Ilelo kwene namunena ukuti ndamulambula amaila yaili, pali vyonsi sile vino mwaculile.

Milimo 1:7

Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.