Ezaya 4:3 - Amazwi Yakwe Leza 2013

³ Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Ezaya 4:3 ပူးပေါင်းရင်းမြစ်များ

Masamu 69:28

Uleke na mazina yao yafutwe umu lupapulo lwa umi, yatakezye ukuzanwa mumu umwalembwa amazina ya antu yako.

Masamu 87:6

Yawe aliwe alatantika amazina ya antu yaa, nu kuyalemba yonsi pamwi na akaya amu Yelusalemu!

Ezaya 1:27

Pamulandu wakuti Yawe umulungami, wene alapususya Zioni. Yawe akacita wa vyaololoke, alapususya na ikazi yamwenemo yayo azenzuka.

Ezaya 28:5

Mu wanda ulya Yawe Wamaka yonsi ali wino ali nu kwiza ungati ali ni cingala ca maluwa, nupya uwa lulumbi, uwakuti antu yakwe yano yakupusuka yakwatilepo akameko.

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

Ezaya 46:3

“Munguvwe, mwe ang'anda yakwe Yakobo, mwensi mwemuno mwasyala amu ng'anda yakwe Izlaeli. Anene nkamusunga ukutandika sile nu kukuvyalwa kwinu.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Ezaya 6:13

Nanti umu mpanga mwasyala umuntu wenga pa antu ikumi lyonga, nawe kwene ndamulovezya kumwi. Wene alasyala sile wa cisiki ca muoko cino yacentula.” (Cisiki cico cilaya wa cimanyililo cakutandikila cipya cipya uku antu yakwe Leza.)

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Ezekelo 13:9

Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Ezekelo 43:12

Likwene lili lamulo lya Ng'anda ikulu yakwe Leza ino ilakuulwa papela ya mwamba. Incende yonsi apapela ya mwamba ukuzinguluka ing'anda iyo ilaya iyamuzilo kuluta. Likwene lili lamulo lya Ng'anda ikulu yakwe Leza.”

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Obadiya 1:17

“Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Loma 11:4

Uzye Leza wamwaswike ati uli? Watile, “Naisungila antu yane amazimbi cinimbali atatala yapepa Baali, leza kaluwi.”

Loma 11:5

Avino cili na ndakai. Apano yali yamwi aina Izlaeli yano Leza wasolola pamulandu wa cikuku cakwe.

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.