Ezaya 3:5 - Amazwi Yakwe Leza 2013

⁵ Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Ezaya 3:5 ပူးပေါင်းရင်းမြစ်များ

2 Yamwene 2:23

Lino wafuma kuku Elisya aya ku Betele. Nga lino akupita mu museo, alumendo yamwi yafuma mu musumba uo nga yamusoweka yati, “Fuma pano, cilipala we! Fuma pano, cilipala we!”

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Ezaya 11:13

Uwene wakwe Izlaeli utalakwatila Yuda uzuwa nupya. Yuda nawe kwene atalaya umwanisi wakwe Izlaeli.

Ezaya 19:2

Yawe wavwanga wati, “Nemo ndasongelekanya aina Eguputo kuti yalwe atupu. Lyene yalalwa umuntu nu mwina, umuntu umwi nu mwinipamba muze, umusumba umwi nu musumba uze, alino uwene umwi nu wene uze.

Ezaya 9:18

Ala umu cumi uyi ukapya wa lupya. Wene ukaoca imyunga na yankololwe. Ukawayola umutengo wa matesi ni cimbilimbili ca vyunsi icifutumukila nu mwiyulu.

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Aina Levi 19:32

“Mwalanga umucinzi ku ikolo nu kuyacindika. Mwaoopa nu kunjela. Nene indi Yawe.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Zakaliya 11:6

Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mateo 26:67

Lyene yamuswila mati pa manso nu kumuma. Yamwi nao yamuma impi.

Mako 14:65

Alino yamwi yatandika kumuswila mati, nu kumuvimba pa manso nu kumuma yavwanga yati, “Ale tunganya! Uzye aweni uwakuma?” Lyene asilika nao yamusenda yamuma.

Luka 22:64

Alino yamuvimba pa manso, yamuzya yati, “Ale tunganya! Uzye aweni uwakuma?”

Yakobo 2:6

Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.