Ezaya 3:1 - Amazwi Yakwe Leza 2013

¹ Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Ezaya 3:1 ပူးပေါင်းရင်းမြစ်များ

2 Yamwene 25:3

Apa wanda walenga fundimbali umu mwezi wakwe cini, uwa mwaka kwene uwa, nupya lilyo ala kwapona icipowe icakuti kutali nanti icakulya nanti cimwi cino antu yangalya.

Masamu 105:16

Lino walesile inzala umu mpanga yao Yawe wononyile ivyakulya vyonsi.

Ezaya 1:24

Ali cino fwandi Yawe Wamaka yonsi, Wamaka wilya wa ina Izlaeli wavwanga wati, “Ndalandula kuli mwe anisi yane, nu kuncuzya mutalancuzya nupya foo.

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

Ezaya 3:16

Yawe wavwanga wati, “Apamulandu wakuti anaci amu Zioni yakwatisya ivilumba, yakupita ala yati yatongomola utusingo twao, nu kuzyongola amanso yao, yakumeka pakupita intampulo izitali nu kulizya insaawa uku ngazo zyao,

Ezaya 36:12

Lelo umukalamba wilya avwanga ati, “Uzye mwemo mukulola ukuti umwene wane antumile kuli mwemwe mwenga nu ku mwene winu, ukwiza landa imilandu yonsi? Awe, nemo nizile ku kunena antu yano yali api linga, yano yamalyanga usali wao nu kumwa amatunzi yao, kumwi namwe kwene.”

Ezaya 5:13

Uli mulandu kwene uno mwasya musendwe uku uzya. Intunguluzi zinu zilafwa uku vipowe, na antu yauze yalafwa uku nzala.

Ezaya 51:22

Yawe Simwandalali, Kakulula wa antu yonsi, akuti, “Lyene nemo indi pakufumya intazi kuno muli, zino namutulikile uku cipyu cane. Mutalatala muvwe ukali nupya foo. Mutalaauvwa ukali ukalenga ukuti mwapempezyoka.

Ezaya 9:20

Yonsi pyu umu mpanga yakulombola sile utwakuti yangalya. Lelo icakuti inzala isile, awe cene foo! Lyene icisile yakulya nu twana twao!

Yelemiya 37:21

Alino lyene umwene Zedekiya apeela ilamulo ilyakuti Yelemiya asungwe umu musolo wakwe yakalinda. Nupya cila wanda yamupeelanga icakulya, cila wanda umukate upuma, ukufuma uku museo wakwe yakapanga ya mikate, suka sile umukate umu musumba wasila. Fwandi avino Yelemiya watenzi umu musolo wakwe yakalinda.

Yelemiya 38:9

“Musambazi, we mwene wane, antu yaa yatiyaifya wakwe cimwi kuli kasema Yelemiya, apa kumusumbila mu cifula, kuti amuno ace akafwile ku nzala.”

Yelemiya 52:3

Caleka Yawe wasokile antu amu Yelusalemu nu mu Yuda cakuti wayainzile kulolekela ku cinso cakwe.

Yelemiya 52:6

Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Nyimbo zya ndosya 5:4

Swemo tukakala amanzi akumwa. Ni nkwi kwene izyakukala.

Ezekelo 14:13

“We mwana wa muntu, aikala mpanga ndi yifya kunondi apakuntaya acumi kunondi, lyene ndaomvya amaka yane nu kuyavunuka apa kucefya ivyakulya. Ndaponyezya impanga iyo icipowe nu kukoma antu kumwi ni nyama kwene.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Mika 4:9

Uzye pacani cino wemo ukulila nu kupooma? Uzye pacani cino ukunyunguluka wa mwanaci ali pipi nu kulela? Uzye kuli kuti utakweti umwene, nanti mpandamano wakukulangilila?