Ezaya 26:3 - Amazwi Yakwe Leza 2013

³ We Yawe antu yano yakasumba amano kuli wewe, nu kukutaila, leka yaikala umutende.

Ezaya 26:3 ပူးပေါင်းရင်းမြစ်များ

1 Milandu 5:20

Leza wayazwilizye apa nsita ino yalwanga inkondo, nga yacimvya aina Hagili pamwi na yonsi yano yalemine nayo. Yene yataile muli Leza. Acino apa nsita ino yakulwa yapepa kunoli nga nawe auvwa amapepo yao nu kuyapeela ucimvyo pa ina Hagili na yayo alemine nayo.

2 Milandu 13:18

Aina Izlaeli yacimviwe apa nsita ilya, lelo aikazi aku Yuda yacimvizye pamulandu wakuti yene yasintilile muli Yawe, Leza wa vikolwe vyao.

2 Milandu 16:8

Uzye kwene ivita vya ina Kusyi ni vyaku Libya vitakweti antu nyanya pamwi na maceleta? Lyene walola, apamulandu wakuti wataile umu mwene Leza Yawe wavicimvizye vyonsi.

Masamu 119:165

Antu yano yatemwa amasunde yako yakwata umutende ufumaluke, nupya kutaya nanti cimwi icingayaponya.

Masamu 125:1

Yayo ataila Yawe yaya wa mwamba wa Zioni, uo usi wakutensya, uno wikalilila pee.

Masamu 9:10

Antu amanya we Yawe yangala yakutaila. Akakulonda we Yawe usiyatazyela.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 26:12

We Yawe, awewe ukampela ulongo, pano vyonsi vino tukalola umu kuomba, awewe ukalenga ukuti tuvilole.

Ezaya 27:5

Lelo ndi cakuti anisi ya antu yane yakulonda ukuzina kunondi, kaize tuvwane nayo ivyakwikala umutende, pakuti paye umutende pali alio nani.”

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Ezaya 32:17

Mu mpanga mulaya ulongo ni cituku, pano umuntu wensi alacita ivilungame.

Ezaya 32:18

Umu mpanga ya antu yakwe Leza mulaya ulongo ni cituku, na antu yakwe nayo kwene yatalalola nanti cimwi ica kuyasakamika.

Ezaya 42:19

Uzye aweni uwapafula wa muomvi wane? Uzye aweni uwapulama wa nkombe yane? Uzye awe uwapafula wa mutailwe wane? Uzye aweni uwapafula wa muomvi wakwe Yawe?

Ezaya 42:6

“Ne Yawe awewe wemuno naama apakuti ulole ukuti vyaololoke vyacitwa pano nsi. Ndakulemelela apikasa nu ku kusunga, kuti uye icipangano ku antu, kuti uye luswepo lwakuyengesela Akulukuwa.

Ezaya 48:2

Pano kwene mukayama mweisikulu ukuti mwemwe ikazi amu musumba wamuzilo. Nu kutaila sana muli Leza wakwe Izlaeli, wino izina lyakwe a Yawe Wamaka yonsi.

Ezaya 49:8

Yawe wavwanga wati, “Akasita ka kumupususya ndi kafika, nemo ndamulola luse luse nu kwasuka impooma zinu, ndi mwalila iyoyomba. Nemo ndamulinda nu kumucingilila. Mulaleka nu kuti ince ncite upangano, apakasi kao nani. Ndaleka kuti muce mwikale nupya mu mpanga yaupyanyi ino yasyala ntangali ntangali.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Ezaya 66:12

Yawe akuti, “Nemo ndamuletela isyuko lya pee, ni vyuma vya mitundu yonsi vimaizanga kunomuli. Vimafumfumukanga wa manzi amu luzi ulukupita lyonsi. Mumaya wa kana kano kakusungwa na nyina, kano kasenzilwe pa minwe yakwe, nu kukasunsuntila.

Yelemiya 39:18

Endi, wemo ndakupususya, nga utalakomwa ku lupanga. Lelo ulapususya umi wako pano wantaila, Ivyalanda ne Yawe.’ ”

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Danieli 6:23

Apakuuvwa cii, umwene asansamuka wakwe cimwi nga apeela ilamulo kuti yafumye Danieli mu ninga ilya yakwe yacisama. Caleka yamufumya nga yataweni icilonda nanti cimwi apa mwili wakwe, pamulandu wakuti Danieli wataile muli Leza wakwe.

Mika 5:5

Aliwe kwene alaleta umutende. Lino aina Asilya yalingila mu mpanga itu nu kutandika ukutuponyezya inkondo, tulatuma yamusika ya vita cinimbali, nanti intunguluzi zyamaka cinani ku kuyalwisya.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.