Ezaya 22:2 - Amazwi Yakwe Leza 2013

² Umu musumba monsi mwatimukaya na see! Owe, we musumba wa cimvulunganya ni ciwowo! Antu yako yatakomilwe uku lupanga foo, nanti ukufwa umu nkondo.

Ezaya 22:2 ပူးပေါင်းရင်းမြစ်များ

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Ezaya 23:7

Uzye umusumba winu kwene uu uwa Tuli, ali uno mwalimo insansa, uno wasokwilwe mpiti? Uzye ali muno mwafumanga antu yano yalambanga yemba, nu kuya umu kuteeka impanga zyuze?

Ezaya 32:13

Alino musakamale na pa myunga ino ilaakulila pamwi na yankololwe mu musili wa antu yane. Losyini amang'anda yonsi muno mukaikala antu nu luzango. Mulilisye mu musumba uno antu yakazevyamo.

Ezaya 32:14

Nu kwisano kwene kutalaya umuntu wino alaikalako, nanti sile mu musumba onsi mutalasyala nanti wenga uwa cingila. Imisumba yonsi iya malinga kumwi ni mpungu pano yakatokowala pa kuisopa, vilasyala ivitalang'anda sile. Yacoolwa ali yano yalaazeuluka mwenemo, ali muno ni mfwele zilaalila mwenemo umulemvwe.

Ezaya 37:33

Fwandi, ali mulandu kwene uno Yawe akuvwangila pa mwene mukalamba wa ina Asilya ati, ‘Senakalibu asikwingila mwenemo mu musumba uu, nanti sile ukufiika mwenemo uluceto. Pasikutala paloleke musika nanti wenga, wino amapalamila ku musumba nanti sile ukutuulumalika umutumba wivu pa kuuzinguluka.

Ezaya 37:36

Lyene umungeli wakwe Yawe aya mu nsakwe ya asilika ya ina Asilya. Akoma mwenemo asilika ukulingana 185,000. Cino waca sile akatondo, awe antu yalola ivyala vyao vyativilala ntangali ntangali.

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Yelemiya 52:6

Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Nyimbo zya ndosya 2:20

Silola, we Mwene! Uzye apacani cino ukutuvunuka mu musango kwene uu? Uzye anaci yalinzile kulya ivyala vya ana yao yano yatemilwe wakwe cimwi? Uzye antu yalinzile kukomola yasimapepo na yakasema umu Ng'anda yako kwene ikulu?

Ezekelo 22:5

Impanga zya mupipi ni zyakutali zimakusekanga pamulandu nu kuipupanya kwako, nu ku cimvulunganya cako.

Zefaniya 2:15

Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.