Ezaya 2:6 - Amazwi Yakwe Leza 2013

⁶ Umu cumi, watutazyela antu yako, amu mupanda wakwe Yakobo. Mu mpanga mwatimuzula yasin'ganga yaufi, ukufuma uku ufumondaka, uku mpanga ya ina Filisti. Antu lyene yambukilwa ni misango ya inamasi.

Ezaya 2:6 ပူးပေါင်းရင်းမြစ်များ

2 Yamwene 1:2

Uwanda umwi umwene Aaziya waponyile apipaala lipapatale li sano lyakwe, mu musumba wa Samaliya. Wene waicisile sana. Aaziya ali pakutuma inkombe zimwi kuli Baali Zebubi, kaleza ka antu aku Ekiloni, kuti yakasapole pakumanya ndi cakuti amapola nanti foo.

2 Yamwene 17:20

Yawe wakantwile aina Izlaeli yonsi, wayakana, nga ayapanika nu kuyapela umu makasa ya anisi yao akakate, suka apakupelelekezya wayakoma sana, nu kuyatalusya uku cino cakwe.

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 24:20

Alino Umupasi wakwe Leza wikila pali Zakaliya, umwana wakwe simapepo Yeoyada. Wene aimilila pakasi ka antu nga ayuzya ati, “Yawe wavwanga wati, ‘Uzye pacani cino musikuyela amalamulo yane? Mutalaya nu longo awe. Pamulandu wakuti mwemo mwamfutatila ne Yawe, mutalaya nu longo awe, nga nani kwene namamufutatila!’ ”

Neemiya 13:23

Pa nsita kwene iyo nga ndola aikazi yaku Yuda yayo atwite anaci aku Asyidodi, nu ku Amoni nga nu ku Moabu.

Masamu 106:35

lelo yamatwalana sile na inamasi yakopola ni micitile yao.

Kufuma 22:18

“Mwanaci wensi wino akacita vyamalele alinzile akomwe.

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Mapinda 6:1

We mwanane, uzye walavile ukulipilila umuzo umulandu, uzye walipilila umuzo umulandu apakuti yauze yaloleleko?

Ezaya 14:29

Mwe ina Filisti mwensi mutazanga foo, pamulandu wakuti intuwa ino yamupolanga yatikontoka. Mumanye ukuti mu luko lwa nzoka, ndi yonga yafwa, mulatumbuka yuze ilusile iyo. Iyayi lya nzoka lingulola icizoka icikapapuka.

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Yelemiya 10:2

Wene wavwanga wati, “Mutasambilila imisango ya antu amu mitundu yuze. Mutazakaza vimanyililo vya mulwelele, nanti angala imitundu yuze ikavyoopa.

Yelemiya 12:7

Yawe walanda wati, “Natintazyela antu yane. Ninkana umutundu wane usololwe. Nasumba antu yane akundwe mu makasa ya anisi yao.

Nyimbo zya ndosya 5:20

Uzye lyene pacani cino watwilila? Uzye pacani cino watutazyelela?

Aina Levi 19:31

“Mutaya ku kuuzya kuli yakasapoola nanti ku antu yano yakavwanga ni mipasi ya antu afwe. Pano yangamulenga ukuya amifitalila. Nene indi Yawe Leza winu.

Aina Levi 20:6

“Muntu ali wensi ndi waya ku antu yano yakavwanga ni mipasi ya antu afwe, indafutatila umuntu wiyo nu kumusukula mu antu yane.

Mika 5:11

Ndonona imisumba yamu mpanga inu nu kuwisya amalinga inu.

Mika 5:12

Ndonona amalele inu yonsi, nga pakasi kinu patalaya yakasapoola.

Zefaniya 1:8

Yawe akuti, “Pa wanda kwene uo uwa mpolelwa yane indavunuka intunguluzi na ana ya mwene na yayo yonsi akalondela intambi zya inamasi.

Mpendwa 23:7

Balamu wasema usemo wakwe uwakuti, “Balaki umwene waku Moabu wamfumizye ku Alamu, ku myamba yaku ufumondaka. Wavwanzile ati, ‘Iza untipwilile Yakobo.’ ‘Iza uvwange amazwi ya misindicila ku ina Izlaeli.’

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

1 Samueli 6:2

aina Filisti iyama yasimapepo yao pamwi na yakasema nu kuyuzya iyati, “Uzye tungacita uli pa Mbokosi ya Upangano yakwe Yawe? Tunenini vino tungacita apakuiswilizya kuno yafuma.”