Ezaya 2:3 - Amazwi Yakwe Leza 2013

³ Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Ezaya 2:3 ပူးပေါင်းရင်းမြစ်များ

Esita 9:27

isunde lyapangilwe ana yao, kumwi na aliza uku nkolelo, nga na kuli wiyo wensi angasanguka Umuyuda. Isunde lilyo, ilyakuwaka nu kucindika amanda yayo yaili, cila mwaka ndi muno Modekai wapelile ilamulo muli kalata.

Masamu 102:23

We Yawe, nemo wancisile umunyankate lino ncili umwance nu kucefya amanda yane akwikala pano nsi.

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Masamu 119:171

Pa kanwa kane pafume amalumbo, pano ukansambilizya amasunde yako.

Masamu 122:1

Nazanzile wakwe cimwi lino nuvwile yakuti, “Katuye uku ng'anda yakwe Yawe.”

Masamu 48:1

Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.

Ezaya 1:26

Ndamupeela intunguluzi ni nkombe wakwe yano mwakweti apa mpiti. Alino lyene Yelusalemu alaamwa ukuti umololoke, umusumba uwacumi.”

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 19:23

Mu wanda ulya kulaya umuseo umwi ukalamba uwakufuma umu Eguputo, nu kuyafika uku Asilya. Antu ya mpanga zizyo ziili yalatandalizyanya. Aina Eguputo na ina Asilya yalapepela pamwi.

Ezaya 28:9

Yene yakailizyanya pali nene yati, “Uzye Ezaya yano akalola ukuti angayasunda ayaweni? Yano walola ukuti yakaika amano ku mazwi yakwe ayaweni? Amazwi yakwe yalingine sile ukunena utunya tuno twacilumuka sile ukwiyele!

Ezaya 44:5

Umwi alavwanga ati, ‘Nene muntu wakwe Yawe,’ muze alayama umwisikulu ukuti uwamu mutundu wakwe Yakobo. Namuze alalemba api kasa lyakwe ati, ‘Uwakwe Yawe,’ nga yalangama ukuti uwamu mutundu wakwe Izlaeli.”

Ezaya 56:5

lyene ndamupeela icintu cimwi cizipisye ukuluta na pikwata lya ana aonsi na anaci. Akuli kuti nemo ndaleka amazina inu yakasyale mu ng'anda yane, yakasyale nu ku antu yane. Ali kuti yace yaiusya pee ukwaula kufutikwa.”

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.

Ezaya 60:3

Antu ya mitundu yuze yaliza kunuli na yamwene nayo kwene yalaileta ku luswepo lwako ululi wi lanzi ilikutunka!

Ezaya 65:11

Lyene cilaiyela kuli mwemuno mwafutatila Yawe, mwemuno mukakana Zioni ukwi tolo sile, umwana wane uwamuzilo, mwemuno mukapepa Gadi na Meni, tuluwi twakumuletela isyuko nanti imipamba. Ala mwemo, mulacilola.

Ezaya 66:20

Yalakolonganika anyonko yonsi, ukufuma ku mitundu yonsi, nu kwiza yatuula kuli Yawe. Yalizila pa mfwalasi, pa maceleta, mu macila, pa nyumbu, na pa ngamila, uku mwamba wane wamuzilo umu Yelusalemu. Yaliza wa ina Izlaeli yano yakuleta vya mawila uku ng'anda ipepo, yakwe Yawe umu viya visangululwe. Kuu kuli kulanda kwakwe Yawe.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 31:6

Pano uwanda uliza lino yakalinda yalapunda pa myamba yakwe Efulemu yati, ‘Katwapita ku Zioni kuli Yawe Leza witu.’ ”

Ezekelo 40:2

Kwati uku tulo sile, wansenzile nu kuntwaka uku mpanga ya Izlaeli nu kuntonkomalika apapela ya mwamba uutali ku lusansa lwa kukatutu ki lunji, apali icalolekanga wa musumba ukuulwe.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Mateo 7:24

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Yoane 4:22

Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Milimo 10:33

Caleka natumile kuti wize zuwa, nga wacita ningo pano wiza. Ndakai swensi tuli pano pa manso yakwe Leza, kulolela kuvwa cili consi ndi vino Umwene watapela ilamulo kuti uvwange.”

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Malango 33:19

Yene yalaama ainamasi ukwiza ku mwamba wao Nu kupeela impolelwa zya mpomvu kuku. Yene yakafumya icuma cao muli yemba Nu mu lusenga lwamu nkumba yakwe yemba.”

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.

Yakobo 1:25

Lelo wino wensi akaceceta ningo mu masunde afumaluke yano akalenga antu kuya antungwa, ndi watwalilila kusumba mano kunoyali kwaula kuvwa sile nu kwilila, lelo akacita vino yene yakulanda, muntu wiyo Leza alamupolelela muli vino akacita.