Ezaya 2:2 - Amazwi Yakwe Leza 2013

² “Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Ezaya 2:2 ပူးပေါင်းရင်းမြစ်များ

Utandiko 49:1

Yakobo atuma umwi kuti aame ana yakwe onsi, nga lino yiiza ayanena ati, “Palamilini kunondi muleke munene vino cilamucitikila mu manda akwiza:”

Yobo 19:25

Ukuya kwene namanya ukuti kavwangila wane acikweti umi. Namanya ukuti aliwe aliza amvwangile.

Masamu 102:23

We Yawe, nemo wancisile umunyankate lino ncili umwance nu kucefya amanda yane akwikala pano nsi.

Masamu 2:8

Undenge, nga nani namakupeela inko zyonsi. Insi yonsi pano yapelela imaya iyakwako.

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Masamu 22:28

Pano Yawe ali kateeka kwene. Ali wino wateeka na antu amu nko zyonsi.

Masamu 48:2

Umwamba wakwe Leza uwa Zioni, waya utumpuke nupya uusuma. Ee, icacumi umwamba wa mwene Mucindami ukasansamusya antu yonsi aya pano nsi!

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Masamu 72:8

Uwene wakwe wandatile ukufuma kuli yemba wenga ukusinta nu kumuze. Ukufuma ukuluzi Yufulate ukusinta nu kwapelela insi.

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Masamu 87:1

A Leza uwa kuula umusumba wakwe pa mwamba wamuzilo.

Masamu 87:2

Yawe watemwisya umusumba wa Zioni ukuluta uwikalo onsi uwaya ukuli konsi kuno amu mupanda wakwe Yakobo yakaikala.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Ezaya 30:29

Lelo kwene mwemo mwe antu yakwe Leza, mwemuno mumasansamukanga, mumaimbilanga ni nyimbo zizi kwene zino mukaimbila usiku pa wanda ukulu wakucindika Leza. Mumasansamukanga wa antu akapita umulongo ala yakulizya imitolilo pakuya ku Ng'anda ikulu yakwe Leza, Kataasya wa ina Izlaeli.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 56:5

lyene ndamupeela icintu cimwi cizipisye ukuluta na pikwata lya ana aonsi na anaci. Akuli kuti nemo ndaleka amazina inu yakasyale mu ng'anda yane, yakasyale nu ku antu yane. Ali kuti yace yaiusya pee ukwaula kufutikwa.”

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.

Ezaya 60:3

Antu ya mitundu yuze yaliza kunuli na yamwene nayo kwene yalaileta ku luswepo lwako ululi wi lanzi ilikutunka!

Ezaya 65:11

Lyene cilaiyela kuli mwemuno mwafutatila Yawe, mwemuno mukakana Zioni ukwi tolo sile, umwana wane uwamuzilo, mwemuno mukapepa Gadi na Meni, tuluwi twakumuletela isyuko nanti imipamba. Ala mwemo, mulacilola.

Ezaya 66:20

Yalakolonganika anyonko yonsi, ukufuma ku mitundu yonsi, nu kwiza yatuula kuli Yawe. Yalizila pa mfwalasi, pa maceleta, mu macila, pa nyumbu, na pa ngamila, uku mwamba wane wamuzilo umu Yelusalemu. Yaliza wa ina Izlaeli yano yakuleta vya mawila uku ng'anda ipepo, yakwe Yawe umu viya visangululwe. Kuu kuli kulanda kwakwe Yawe.

Ezaya 66:23

Ukufuma ku mwezi upya, ukufika nu ku mwezi upya uze, ukufuma kwi Sabata lyonga ukufika nu kwi Sabata lyuze, antu yonsi yalaiza ku kupepa kuno ku Yelusalemu. Kuu kuli kulanda kwakwe Yawe.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 23:20

Icipyu ca Mwene citalatala cizuke, suka sile ace atale afikilizye vino wapanzile ukucita umu mwenzo wakwe. Cico mulacuvwa ningo umu manda yano yaliza uku nkolelo.”

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Yelemiya 30:24

Icipyu cakwe Yawe icikali citalatala cizuke foo, suka sile ace atale afikilizye amapange yamu mwenzo wakwe. Antu yakwe yaluvwa muno ciile mu manda aliza ku nkolelo.

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Yelemiya 48:47

Lelo kwene umu manda aliza ndawezezya Moabu isyuko lino wakweti,” Ivyalanda ne Yawe. Paa, apapelela upinguzi pa ina Moabu.

Yelemiya 49:39

Lelo ukuya kwene, amanda yaliza lino ndawezezya Elamu isyuko,” Ivyalanda ne Yawe.

Yelemiya 51:44

Nemo lyene namavunuka Beli, leza wa ina Babiloni. Namamupokolola ni vyuma vyakwe vya wivi. Antu ya mitundu yuze ale lyene casila yasikumupepanga, awe. Na malinga yakwe Babiloni yalaongoloka!

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 40:2

Kwati uku tulo sile, wansenzile nu kuntwaka uku mpanga ya Izlaeli nu kuntonkomalika apapela ya mwamba uutali ku lusansa lwa kukatutu ki lunji, apali icalolekanga wa musumba ukuulwe.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Danieli 2:35

Lyene icela, iivu, umukuwa, siluva nga na zaabu navyo kwene vivungolwa apa nsita ili imwi kwene vikolana na cungu apa lwano apa nsita ya pamwela. Umuza nao iulula vyonsi vii ukwaula kusyapo nanti kamwi. Lelo iwe lyene likula mpaka liya umwamba uno walimvile insi yonsi.

Danieli 2:45

Waliwalola vino iwe lyasozoka ukufuma pa mwamba ukunuke ukwaula kuti umwi alikumye nga navino lyalilyafwanta iciluwi capangilwa ni cela, nu mukuwa, ni ivu, na siluva, nga na zaabu. Leza Mukulu akukunena we musambazi ivilacitika mu manda akwiza. Ninkunena ukulingana na vivi kwene vino waliwalota, nga nu kukulondolwela iciloto cako muno calola.”

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Zakaliya 14:10

Mpanga yonsi ilasenuka iye inyika, ukutandikila ku Geba mpaka nu ku Limoni uwaku Negebu. Yelusalemu alatumpuka ukuluta, nanti angala alasyalila apa ncende yakwe yampiti. Mulikala antu ukufuma ku mpongolo yakwe Benjamini nu kufika ku mpongolo ya kutandikila, kuli kuti ku Mpongolo ya Pitungu, nga nu kutandikila pa Lupungu lwa Hananeli mpaka nu kufika nu mwakufenela waini ukwi sano.

Zakaliya 14:9

Alino lyene Yawe Leza awino alaateeka impanga yonsi, ala wenga mpo awino alaya Umwene, ni zina lyakwe lyonga mpo alino antu yalalumbula.

Zakaliya 8:22

Fwandi antu amu mitundu ikalamba nupya yamaka, yalaiza kuno ku Yelusalemu ku kupepa ne Yawe Wamaka yonsi nu ku kumpapata pakuti ince nayapolelela.”

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Malaki 3:12

Lyene antu amu nko zyonsi yalati mwapolelelwa, pano impanga inu ilaya isuma iyakwikala mwenemo.

Mpendwa 24:14

“Fwandi ndakai naswilila ku antu yane. Lelo tale ndanga intale nkusopesye vino umutundu uu uli nu kucitila antu yako mu manda ali nu kwiza.”

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

2 Timoti 3:1

Iusya ukuti mu manda akusyalikizya mulaya tusita tutale.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.