Ezaya 18:3 - Amazwi Yakwe Leza 2013

³ Uvwini kuno mwe antu mwemuno mwikala pano nsi, mwemuno mwalimba insi yonsi. Lino ulunga lwakweziwa apapela ya mwamba, mulole! Lino ipenga lyalila, muvwe!

Ezaya 18:3 ပူးပေါင်းရင်းမြစ်များ

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Ezaya 13:2

Apa mwamba usenguke, papunge imendela! Pundini izwi ilikalawane uku vita, muyakapizye uku minwe, yize uku mpongolo zya asambazi, yayazanze.

Ezaya 13:4

Kutikini icongo ukufuma pa myamba. Iciunda ci umba likalamba! Ni ca mawene yano yatiyakongana. Yawe Wamaka yonsi akuteyanya impuka zya vita.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 31:9

Umwene wao alapuuka, uku kuizakazila sile umweneco, uku ntete kumwi na yamusika yakwe kwene. Nayo kwene yaluutuka inkondo, yalasya ivita vyao ivya nkondo,” ivyalanda ne Yawe, nemuno yakapepa mu Yelusalemu, na wino mapepo yaya mu Zioni muno yakaocela impolelwa.

Ezaya 49:22

Yawe Simwandalali akuti, “Ndakapizya Akulukuwa, nu kutumpula ulunga lwane uku mutundu wane. Nayo yamaleta ana yako aonsi ale yatiyayasunsa pa viye vyao, nga na ana yako anaci, ale yatiyayapakatila mu minwe.

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Ezaya 7:18

“Mu wanda ulya Yawe alakuwa umuluvi apa kwama aina Eguputo. Alino nayo yaliza wa nsazi ukufuma mu tunguzi twa patali utukaitila mu luzi lwa Nailo. Nupya alakuwa umuluvi uwakwama aina Asilya. Nayo yaliiza yakuumbe ungati inzimu ukufuma ku mpanga yao.

Yelemiya 22:29

Iye mwe we mpanga we! Mpanga we!” Si uwauvwa izwi lyakwe Yawe!

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Mika 6:2

Mwe myamba, uvwini umulandu uno Yawe wasiika, namwe kwene mwe mifula yamuyayaya ya nsi ii. Pano Yawe akupeela antu yakwe umulandu. Wene akupeela aina Izlaeli umulandu.”

Mika 6:9

Icintu camano ukoopa izina lyakwe Yawe. Wene akulaizya ku ikazi amu Yelusalemu ati, “Uvwini kuno, mwe ikazi amu Yelusalemu mwensi.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Mateo 13:16

“Lelo mwemo muli nu longo! Pano manso inu yakalola na matwi inu yakauvwa.

Mateo 13:9

Lyene Yesu ayanena ati, “Ali na matwi yakuuvwa, auvwe!”