Ezaya 17:3 - Amazwi Yakwe Leza 2013

³ Ku Efulemu kutalaya umusumba wi linga, nu ku Damasiko kutalaya uwene. Aina Alamu alasyalapo yalapupana wakwe cimwi, ungati sile avino cali ku ina Izlaeli.” Ivyalanda Yawe Wamaka yonsi.

Ezaya 17:3 ပူးပေါင်းရင်းမြစ်များ

2 Yamwene 16:9

Umwene wa ina Asilya nawe amuuvwa. Akatuka aya azanza umusumba wa Damasiko nu kuupoka. Asenda antu aikalanga mwenemo wa afungwa, ayatwala uku Kili nga akoma na Lezini.

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

Ezaya 10:9

Anene nacimvya umusumba wa Kaline nu wa Kalikemisyi, nu wa Hamati nga nu wa Alipadi. Anene nacimvya umusumba wa Samaliya nu wa Damasiko.

Ezaya 16:14

Nupya na pilelo Yawe akuti, “Pa myaka itatu sile, iyakupenda wa myaka ya muntu wa ncito, uwene ucindamisye uwa mpanga ya Moabu ulazewana. Nanti angakwata antu avule wakwe cimwi, lelo yalasyala ancepelwa sile, anyaluluke nupya aulwa na maka.”

Ezaya 17:4

“Mu wanda ulya ucindami wakwe Yakobo ulasila, nga ni cuma cakwe cilasanguka ciye upina.

Ezaya 25:2

Pano wemo wasenula umusumba ukuya umutumba wa mawe, umusumba ulya uno wali ni linga wausenula waya ivitotela. Utalatala ukuulwe nupya.

Ezaya 7:16

Nanti sile lino insita iyo itacili yafika, impanga ziili muno mukateeka yamwene yaili yano yakakoofya wewe we Aazi, zilasyala amatongwa.

Ezaya 7:8

Pasi pano impanga ya Alamu italuta Damasiko, umusumba wa mwenemo uku maka. Nanti sile umusumba wa Damasiko utaluta Lezini amaka, umwene wauko. Aina Izlaeli nayo apa myaka amakumi mutanda na isano ale yasansantika, umutundu wao utalalemana foo.

Ezaya 8:4

Pano alala mwana atacili wamanya ukwama ati, ‘Tata’ nanti ‘Mayo’, mwene waku Asilya ale wasenda mpiti ivyuma vyaku Damasiko ni visampwe vyonsi vyaku Samaliya.”

Oseya 1:4

Lyene Yawe anena Oseya ati, “Umutemele izina lyakuti Yezileele, pano apacisila ca nsita inono sile nasya imvunuke ang'anda yakwe Yeu pamulandu wakuti wene wakomile antu avule uku Yezileele, nga ndalenga uwene wa Izlaeli ukwiza uku mpela.

Oseya 1:6

Gomeli nupya kwene asenda indilwa nga aca avyala umwana umwanaci. Lyene Yawe anena Oseya ati, “Umutemele izina uti, ‘Atatemwikwa,’ pano aina Izlaeli ntalayatemwa nupya nanti ukuyelela amaifyo yao.

Oseya 10:14

anisi inu yalamukatusizya inkondo. Amalinga inu yonsi yalononwa ndi vino cali apa wanda wa nkondo lino umwene Syalamani ononyile umusumba wa Beti Alibele. Wene walenzile ukuti yamangu kumwi na ana yao yalyatolwe.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 8:8

Aina Izlaeli yatiyamilwa. Yene yatiyaya wa vikona pakasi ka antu amu nko zyuze.

Oseya 9:11

Ucindami wa luko lwakwe Efulemu ulapita wa kupapuka kwa cunyi. Yene yatalakwata ana nupya. Aci yao yatalatala yaye pa ukulu, yatalasenda indilwa, awe.

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”