Ezaya 15:3 - Amazwi Yakwe Leza 2013

³ Yene yazwite visamu umu miseo, nu kulila impoma papela ya mapaala ya ng'anda zyao, nga nu mu masansa ya miseo.

Ezaya 15:3 ပူးပေါင်းရင်းမြစ်များ

2 Samueli 3:31

Davidi pali pakunena Yoabu na antu yakwe yonsi ukulepola ivyakuzwala vyao nu kuzwala amasaka pa kulosya Abineli. Alino pa ndosya kwene iyo, umwene Davidi umwisikulu walondelanga pacisila ca cala.

2 Yamwene 6:30

Lino umwene wilya uvwa amazwi ya mwanaci wilya, alepula ivyakuzwala vyakwe. Lino umwene akulyatokela pi linga, antu ali mukasi pipi ni linga yalola ukuti umwene azwite ivyakuzwala vya ndosya mukasi ka vyakuzwala vyakwe.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Ezaya 22:1

Amazwi asowilwe pamulandu ni Cifoloma ca Cilolwa: Uzye icacitika icani pakuti mwensi kwene mukwele apa mapaala ya mang'anda inu?

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

Yelemiya 19:13

Amang'anda amu Yelusalemu nga na mang'anda yakwe yamwene amu Yuda kumwi na mang'anda yonsi yano yakafutumwilamo ubani apa mapaala yao, apakuti yafutumukila mwiyulu mupela, umuli intanda nupya muno yapongolwela waini kuli tuleza tuze, yonsi kwene yalakoweziwa. Yalaya akowele wa musumba wa Tofeti.’ ”

Yelemiya 48:37

Cila muntu lyene watapela ulukuzu ku mutwe nga apeela ni vilezu. Iminwe yakwe ali wensi yaticembolwa. Yonsi yatiyapeteka ivyakuzwala vya ndosya mu misana.

Nyimbo zya ndosya 2:10

Aikolo amu Yelusalemu lyene yakwikala sile pansi nu kukungumala. Yakuuivusya ivu ku mitwe nu kuzwala ivisamu. Akazyana amu musumba nayo yakukontamika sile imitwe pansi.

Ezekelo 7:18

Yalazwala masaka, yalazakaza imili yonsi. Pa mausyu yao palaya insonyi na pa mitwe yao yonsi palapelwa inkuuzu.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Malango 22:8

“Lino wakuula ing'anda, sininkizya ukuti wandila ningo ukulizizya ipaala. Lyene umwi ndi wapona api paala lilyo nga nu kufwa wafwa, ale wemo utalapeelwa umulandu.

Yakobo 5:1

Mwe antu akama, ndakai nguvwini! Losyini nu kukuta pa malanda ali nu kumuponela!

1 Samueli 5:12

Na yao apuswike ku kukanafwa yalwile ivipute, nga na antu yakuta kuli yaleza yao kuti yayatuule.