Ezaya 13:9 - Amazwi Yakwe Leza 2013

⁹ Wanda wakwe Yawe uliiza kwaula uluse. Ulaya uwanda wa ukali ni cipyu cikalamba. Ulasangula impanga iye amapooli nu konona kaifya wensi.

Ezaya 13:9 ပူးပေါင်းရင်းမြစ်များ

Masamu 104:35

Yakaifya kayalowelele muno nsi, patasyala nanti wenga! Lumbanya Yawe we mwenzo wane! Endi lumbanyanga Umwene!

Mapinda 2:22

Alino antu aipe yene Leza alayafumya umu mpanga, nupya alafumyamo yakaifya ndi vino antu yakaipula ivikona mu calo.

Ezaya 13:6

Pongomokini pano uwanda wakwe Yawe uli umupipi. Uwanda uo uliza wa ononesi ukufuma kuli wiyo Wamaka yonsi.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 34:8

Ilaya ili nsita ino Yawe alapususizyamo Zioni, nu kulandwilapo anisi yakwe.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Ezaya 66:17

“Yaya yano ndazana yaizifya, yaisangulula, apamulandu wakutantama imilongo nu kuya mu vyalo muno yateyanyizizya utuluwi nu kutupepa, awe yene ale yapusuka casililikila. Yano nkulanda ayaya yonsi yano yalya kapoli, yakuza na vyonsi vyawinyi ivikakulika pansi. Ivicitwa vyao nu kwelenganya kwao, vilasila vyonsi pyu iila lyonga kwene. Ivyalanda Yawe.

Ezaya 9:19

Impanga yatipya uku ukali wakwe Yawe Wamaka yonsi cakuti antu yatiyapya. Cila muntu lyene akantunta ntwala.

Ezekelo 13:5

Mutatala mwacingilila apa kaingilila anisi inu, nanti ukukuulila ng'anda yakwe Izlaeli ilinga, apakuti ikalole ukusipa umu ulwi apa wanda wakwe Yawe.’

Ezekelo 30:3

Pano uwanda watiupalama, uwanda wakwe Yawe watiupalama. Ulaya uwanda wa cifutika, uwanda wakupezya imitundu.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Naumi 1:8

Lelo wakwe mulamba uwa mukuku, Yawe akalovya anisi yakwe. Na yao akamusangukila wene akayazingila ku mfwa.

Zefaniya 1:15

Uwanda uo ulaya uwanda wa ukali, ulaya uwanda wa malanda nupya uwa cililizi, ulaya uwanda umwi uwa ononyi, nupya uwa cimvulunganya, ulaya uwanda wa mfinzi nayo ifitisye fititi, ulaya uwanda wa cifutika nupya uwa cipunga icikulu.

Zakaliya 14:1

Lolini, uwanda wakwe Yawe ukwiza, lilyo lino ivisampwe vinu vilankanyiziwa apakasi kinu.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”