Ezaya 13:2 - Amazwi Yakwe Leza 2013

² Apa mwamba usenguke, papunge imendela! Pundini izwi ilikalawane uku vita, muyakapizye uku minwe, yize uku mpongolo zya asambazi, yayazanze.

Ezaya 13:2 ပူးပေါင်းရင်းမြစ်များ

Masamu 60:4

Antu yako yano yakukwatila icoopo, wemo watuyakatusizya uluunga, lyene yatiyapuuka inceto zya anisi yao.

Ezaya 10:32

Lelo uwilelo umwanisi awiyo aimi uku Nobu, watatumpula ikasa lyakwe apa kuzanza antu aku Mwamba wa Zioni, umulundu uwamu Yelusalemu.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Ezaya 11:15

Yawe alakamya nu mupunda wakuli yemba waku Eguputo, nu kuleta umuza ukaye uwaku kamya uluzi lwa Yufulate, nga nu kusya sile utunguzi cinimbali, tuno umuntu ali wensi angalamba.

Ezaya 18:3

Uvwini kuno mwe antu mwemuno mwikala pano nsi, mwemuno mwalimba insi yonsi. Lino ulunga lwakweziwa apapela ya mwamba, mulole! Lino ipenga lyalila, muvwe!

Ezaya 19:16

Mu wanda ulya aina Eguputo yalaya ungati anaci, yalaizakazila sile uku ntete, apakulola Yawe Wamaka yonsi kuno watazunzula ikasa lyakwe apa kuyafulula.

Ezaya 31:9

Umwene wao alapuuka, uku kuizakazila sile umweneco, uku ntete kumwi na yamusika yakwe kwene. Nayo kwene yaluutuka inkondo, yalasya ivita vyao ivya nkondo,” ivyalanda ne Yawe, nemuno yakapepa mu Yelusalemu, na wino mapepo yaya mu Zioni muno yakaocela impolelwa.

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Yelemiya 50:2

“Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Yelemiya 50:41

Lola! Antu ayayo yakufuma uku kayeya, nupya yene antu amutundu umwi uwa maka. Yali na yamwene avule, ukufuma kumwi kuno kutaitalimpila. Yizile ku kulwa inkondo.

Yelemiya 51:12

Tumpulini imendela iyakuwisya amalinga yakwe Babiloni. Muvuzye yakalinda, mwike na yakasopa, mufise na akuteyamila. Pasi pano Yawe wapangila aina Babiloni, nupya wayacitila ndi muno wayalaile.

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Yelemiya 51:58

Yawe Wamaka yonsi wavwanga wati, “Ilinga lyakwe Babiloni lyamutika, lilaongoloka mpaka na pansi. Ni mpongolo zyakwe izitumpuke zilapya nu moto. Acino fwandi umulimo wa maka ya mitundu, uwakuicuzya sile. Amaka ya mitundu yapelela sile mu cininkwa ca moto.”