Ezaya 11:4 - Amazwi Yakwe Leza 2013

⁴ Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Ezaya 11:4 ပူးပေါင်းရင်းမြစ်များ

2 Samueli 8:15

Davidi ateeka impanga yonsi iya Izlaeli ala akucitila antu yakwe ivya ulungami ukwaula ulufyengo.

Yobo 15:30

Atangafuma umu kanda. Icimbilimbili cilumika insaala zyakwe. Umuza ulasenda maluwa yakwe.

Yobo 4:9

Uku mupu wakwe Leza yene yakalowa, alino nu ku ukali wakwe yalononekela.

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Masamu 18:8

Umu mpuno zyakwe imwasuka ni cunsi, mukanwa kakwe namo imufuma icimbilimbili ca moto, icikaisye icinyesula nu munyeswa.

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Masamu 76:10

Cumi kwene, ukali wako apa antu ukalenga kuti yakulumbanye, Yao akapusuka uku zya nkondo yalatwalilila ukwiusya amanda akulu akwako.

Ezaya 1:17

Tiini ukwifya. Sumbini amano ku kuzifya. Sumbini amano inu ku kucita ivya ulungi. Mwaazwilizya antu akafyengwa. Mwapingula ningo ana asyale. Mwaazwilizyako yamukamfwilwa.”

Ezaya 13:11

Yawe akuti, “Ndakalipila antu aikala mu mpanga ii apa ntumpu zino yakacita, nga na antu aipe apa utalanganyi wao. Ndaputula icilumba cakwe yao akayuvwa, nu kucefya imitumfyo uku antu alukang'ansi.

Ezaya 14:30

“Yawe alaya akacema wa antu yakwe alanda, nu kuleka kuti yene yikale ulongo. Lelo wene alaponyezya mwe ina Filisti icipowe, cino citalasya nanti wenga pano muli.

Ezaya 16:5

Alino umu kutemwa amuno icilimba ca wene cilateekwa ningo. Umu cumi paliza pikale wenga, uwamu akazi kakwe Davidi, wiyo uwasakamalisya ulungami nu kuzangila ukucita vyaololoke.

Ezaya 2:4

Alapingwila imitundu yonsi iya antu, nupya aliwe alakaulula imitundu ivule wakwe cimwi, yace yasuke yatole ivipeni nu kusulamo amase, nga na masumo yao nayo yakasulemo ivikwakwa. Kutalatala nupya kuyeko umutundu ulakatukila uuze, nanti ukusambilila ivyankondo.

Ezaya 26:6

Ali pakuti alanda yano yacuzyanga, yaulyatole ni ngazo zyao.”

Ezaya 29:19

Antu yasilesile kumwi na alanda, yalasyukila insansa wakwe cimwi, zizyo zino Leza Wamuzilo wakwe Izlaeli akapeela antu.

Ezaya 3:14

Yawe waama ivilolo vyakwe uku cilye pamwi ni ntunguluzi zya antu yakwe, nga avwanga ati, “Amwemwe kwene mukaonona icalo ca matingi, nu kufisa ivyuma vya alanda vino mwasampa.

Ezaya 30:28

Apa kwiza, Leza atatuma cipunga cino cikwiza ungati ukuzuula kwa manzi ya mvula yano yafika umu nsingo. Alino nawe akukumbulula sile antu ya mitundu yonsi nu kuyalovya apa kuyamalila ku viipe vyonsi vino yapanga ukuti yangacita.

Ezaya 30:31

Aina Asilya yamaizakazilanga sile uku ntete lino yamauvwa izwi lyakwe Leza nu kuvwikisya apapela ukali wakwe.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 32:1

Uwanda umwi kuliza umwene muze, wino alateeka nu wololoke, ni vilolo vyakwe vilateeka nu ulungami.

Ezaya 32:7

Umuntu umutumpe inzila zyakwe iziipe. Wene akaelenganya ivyakufyengelekezya sile apina umu kuyatumpwila. Nupya akayakanya ni nsambu zyao.

Ezaya 33:22

Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.

Ezaya 40:7

Isote likauma na maluwa nayo yakafoota, lino Yawe wapuutapo umupu wakwe. Cumi kwene na antu kwene yaya wi sote.

Ezaya 49:2

Wene waleka na kanwa kane kuti kaye akakalipisye wa lupanga, nupya umweneco aliwe amansunganga. Wancita wa luceto ulusongole, wamfisa nu munyambi yakwe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 33:15

Apa wanda kwene ulya na pa kasita kwene kaka, nemo ndaletelapo umwana uwa mpomvu umu mupanda wakwe Davidi, ali wino alalungamika ivintu vyonsi nu kucita ulungami impanga yonsi.

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Zefaniya 2:3

Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.

Malaki 4:6

Wene alakundanya yaisi na ana yao, na ana na yaisi. Nga citangaya vivyo ale lyene ndiza nonone impanga inu.”

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Mateo 5:5

Alongo antu afuke. Pano yalapyana insi.

Milimo 9:1

Lelo Saulo watwalilile kupangila kukoma alondezi ya Mwene. Caleka aya kuli Simapepo Mukulu

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

Galatiya 5:23

kuicefya, nu kuikanya. Kutaya Masunde akalwisyanya ni micitile ii.

2 Tesalonika 2:8

Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya.

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

Yakobo 3:13

Uzye munomuli mungaya umwi akweti mano nu kumanyikisya? Ndi amunoli lekini aisininkizye kupitila mu kwikala umi wakucita visuma mukufuka na mano.

Umbwilo 1:16

Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 2:16

Acino ndakai zenzukini. Ndi mutazenzwike, ndiza zuwa kunomuli nu kulwisya antu yao ku lupanga luno lukafuma mu mulomo wane.