Ezaya 11:3 - Amazwi Yakwe Leza 2013

³ Icoopo kuli Yawe ali cintu cino alimilila penepo. Atalaputula umulandu pamulandu mu kulondelela ukuloleka kwa vintu, nanti ukuuvwilila sile uku matwi.

Ezaya 11:3 ပူးပေါင်းရင်းမြစ်များ

2 Samueli 14:17

“Nupya natinelenganya ukuti amazwi ya musambazi yangantekezya umwenzo, pano we musambazi uli wa mungeli wakwe Leza. Wamanya ivintu vyonsi nupya ungalekanya pakasi ka visuma ni nkota. Si Yawe Leza wako aye nawe.”

2 Samueli 14:8

Umwene anena umwanaci wilya ati, “Pitanga ukwako, nga nani indi nu kuputula umulandu wako.”

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

1 Yamwene 3:9

Acino mpekwini ne muomvi winu amano akuteekelamo antu inu, pakuti namanya ivyakupusanya pakasi ka visuma ni viipe. Ndi cisi vivyo uzye aweni angateeka antu inu avule wakwe cimwi?”

Yobo 12:11

Amatwi ali yano yakakutikila ivyakuvwauvwa, na kanwa nako kakasaasula nu kuvwa ukulyompa kwa vilyo.

Yobo 34:3

Mwamanya ukuti ikutwi ali lino likapusanya ivilandwa, ndi vino ululimi lukauvwa usuma wa vilyo.

Mapinda 2:5

Ndi wacita vivyo, lyene uliluuka ukoopa Yawe vino kwaya, nu kuzana vino ukumanya Leza kwaya.

Mapinda 2:9

Wemo ndi cakuti umanguvwila, umamanyanga ivintu ivisuma, ivilungame, ivyampomvu. Umamanyanga navino uli nu kucita.

Ezaya 33:6

Wene alamupeela umutende ufumaluke mu manda inu pano nsi. Wene alamupeela ukucenjela nu kumanya kuti vice vimupususye. Ukoopa Yawe ali kuno kukaletela umuntu cuma kwene cii.

Ezekelo 45:8

Fwandi ali citungu cino intunguluzi ilaateeka ilakwatako nayo mu mpanga ya ina Izlaeli. Ali pakuti itakacuzya antu nupya ali pakuti ikaleke imitundu ya ina Izlaeli nayo ikaikwatile ivitungu mu mpanga.

Mika 4:3

Aliwe alaputula imilandu pakasi ka antu amu nko izingi, apakasi ka mitundu ya maka ya mupipi nu kutali kwene. Antu yayo yalasula malupanga yao kuti yaye amase, nga na masumo yao kuti yaye mipeni yakutungwilila. Antu amu nko zivule yatalatala yalwe inkondo, nanti ukuiteyanya ku kulwa ulwi nupya.

Luka 2:52

Yesu wakulanga ku mwili nu mu mano, ala akutemwikwa na Leza nga na antu.

Yoane 2:25

Nupya atalondanga kuti umwi amunene vino antu yaya, pano umwisikulu wamanya vyonsi ivyaya mu myenzo yao.

Yoane 7:24

Mutapingula mu milolekele ya vintu, lelo pingulini kulingana ni cumi.”

Ayebulai 5:14

Mukulanda kuze tumati vyakulya vikome ivya antu aikolo, yano asambiliziwa ningo kupalula visuma ni viipe.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”