Ezaya 11:2 - Amazwi Yakwe Leza 2013

² Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Ezaya 11:2 ပူးပေါင်းရင်းမြစ်များ

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

Masamu 72:2

Leka alungika lino akuteeka antu yako, nu kuvwangila alanda.

Kufuma 28:3

Ama antu yonsi amanya kusuma, yano napeela amano, kuti yasumile Aaloni vyakuzwala pakuti angapaatulwa wakwe simapepo uwamu mulimo wane.

Ezaya 28:6

Antu yano yakaputula imilandu ya yauze, Leza umweneco amaiza ayalangilile umwalola ulungami. Nupya aliwe kwene amaiza akomelezye yayo akazinga anisi yano yakaizila ukuzanza impongolo zya musumba.

Ezaya 32:15

Lelo Leza alatutumila Mupasi wakwe, ukufuma kwiyulu, alino amalwanga yalasanguka avunde, cakuti nu mu vyalo mulafuma ivyakulya vya mpomvu.

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Ezaya 48:16

“Acino fwandi mwemo palamilini sile kuno, muvwe vino nemo nkuvwanga. Ukutandika sile uku katalili, nemo nkamulandila ivintu apaswe, nupya lyonsi nkaleka vino ndanzile vicitike.” (Lyene Yawe wampeela Umupasi wakwe, nu kuntuma.)

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mateo 3:16

Lyene lino Yesu wawatiziwa, lilyo kwene afuma mu manzi. Lyene iyulu lilekuka, nga alola Mupasi Wamuzilo akwika panoli mu musango wa nkunda.

Yoane 14:17

Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Malango 34:9

Lino amanda ya kulosya Mose yasizile, Yoswa umwana umonsi wakwe Nuni azuziwa nu mupasi wa mano pamulandu wakuti walanga Mose wamwikile amakasa yakwe panoli. Acino aina Izlaeli iyamuvwila nu kuyela amalamulo yano Yawe wayapeezile ukupitila muli Mose.

2 Timoti 1:7

Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.