Ezaya 10:9 - Amazwi Yakwe Leza 2013

⁹ Anene nacimvya umusumba wa Kaline nu wa Kalikemisyi, nu wa Hamati nga nu wa Alipadi. Anene nacimvya umusumba wa Samaliya nu wa Damasiko.

Ezaya 10:9 ပူးပေါင်းရင်းမြစ်များ

Utandiko 10:10

Pa kutandika kwa wene wakwe Nimulodi wateesile imisumba ya Babeli, Eleki, na Akadi, na yonsi itatu yali mu mpanga yaku Syinala.

2 Samueli 8:9

Umwene Tou uwaku Hamati auvwa ukuti Davidi watacimvya ivita vyonsi vyakwe Hadadezeli.

2 Yamwene 16:9

Umwene wa ina Asilya nawe amuuvwa. Akatuka aya azanza umusumba wa Damasiko nu kuupoka. Asenda antu aikalanga mwenemo wa afungwa, ayatwala uku Kili nga akoma na Lezini.

2 Yamwene 17:24

Pacisila cakwe vii umwene waku Asilya wasenzile antu ukufuma mu misumba ii: Babiloni, Kuta, Ava, Hamati, na Sefalavaimu. Ayaleta kuti yize yikale mu misumba yaku Samaliya, umwikalanga aina Izlaeli yano yasenda uzya. Yakukile umu misumba ilya amuno iyaikala.

2 Yamwene 18:34

Ale yali kwi pali ndakai? Yaleza aku Hamati nu ku Alipadi? Yali kwi yaleza aku Sefalavaimu, Hena nu ku Iva? Uzye kuli uwatazile atuula aina Samaliya?

2 Milandu 32:14

Uzye mwatala muvwa kuno tuleza twa mpanga zyuze twatuula antu yao kuli sweswe? Uzye fwandi icani icingaleka mwaelenganya ukuti Leza winu alamutuula?

2 Milandu 35:20

Pacisila ca vintu vii vyonsi, Yosiya amala ukuzifya Ng'anda ikulu yakwe Leza, alino Neko umwene waku Eguputo aya uku ulwi uku Kalikemisyi uku Luzi lwa Yufulate. Yosiya aezya na maka yakwe yonsi ukumulesya.

Ezaya 10:8

Wene akaitanka nu kuitanka ati, “Nemo yamusika ya vita vyane yonsi a yamwene!

Ezaya 17:1

Amazwi asowilwe pamulandu wa musumba wa Damasiko: “Umusumba wa Damasiko utalaya umusumba nupya foo. Lelo ulaya sile umusumba wa vitantala.

Ezaya 17:3

Ku Efulemu kutalaya umusumba wi linga, nu ku Damasiko kutalaya uwene. Aina Alamu alasyalapo yalapupana wakwe cimwi, ungati sile avino cali ku ina Izlaeli.” Ivyalanda Yawe Wamaka yonsi.

Ezaya 33:8

Imiseo yativuma, musi antu yano yakupitamo. Yonona upangano, yasuula yakambone, yasisakamala muntu nanti umwi.

Ezaya 36:19

Uzye lyene tuleza twaku Hamati nu twaku Alipadi tulikwi? Uzye lyene tuleza twaku Sefalavaimu tulikwi? Uzye twene utwapuswisye umusumba wa Samaliya ku mwene wane?

Ezaya 37:11

Wayuvwila mpiti we mweneco vino nemo ne mwene wa ina Asilya nacitila impanga zyonsi, vino nkalonda ukuzyonona. Uzye ukunena ukuti wewe ungamposya?

Ezaya 37:13

Uzye umwene uwamu Hamati apano waya, nanti uwamu musumba wa Alipadi, nu mu Sefalavaimu, nanti uwamu Hena nanti uwamu Iva?

Ezaya 7:8

Pasi pano impanga ya Alamu italuta Damasiko, umusumba wa mwenemo uku maka. Nanti sile umusumba wa Damasiko utaluta Lezini amaka, umwene wauko. Aina Izlaeli nayo apa myaka amakumi mutanda na isano ale yasansantika, umutundu wao utalalemana foo.

Yelemiya 46:2

Apa lwakwe Eguputo, ilamulo ilya pa vita vyakwe Falao Neko, vino vyatantime uku luzi lwa Yufulate umu mbali na Kalikemisyi, lino Nebukadineza, umwene waku Babiloni wacimvizye umu mwaka uwalenga iini, uwakwe Yeoyakimu umwana umonsi wakwe Yosiya, ukuya pa wene wa ina Yuda. Wavwanzile wati,

Yelemiya 49:23

Apa lwa musumba wa Damasiko, Yawe wavwanga wati, “Aikazi amu Hamati na Alipadi, amano yatiyayapeela. Pasi pano yene yatiyuvwa ululumbi ulwipe. Imyenzo yao yafwa cipafi. Yasi yakutekeziwa foo.

Ezekelo 47:16

Belota na Sibilaimi (uwaya pakasi ka mpanga ya Damasiko ni mpanga ya Hamati) alino kulungama ku Hazeli Hatikoni, uwaya pa mupaka wa Haulani.

Habakuku 1:10

Yene yakasausya yamwene nu kuzewanya intunguluzi. Kusi ilinga lili lyonsi ilingayalesya, pasi pano yene yakatulika amasenga akukwelelapo; nu kupoka umusumba uo uwi linga.

Mpendwa 34:8

Alino ukutandikila ku Mwamba wa Holi mpaka ku Lebo Hamati. Lyene umupaka uwo ukalungame uwingililo waku Hamati nu kwiza ku Zedadi,