Ezaya 10:4 - Amazwi Yakwe Leza 2013

⁴ Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Ezaya 10:4 ပူးပေါင်းရင်းမြစ်များ

Ezaya 22:2

Umu musumba monsi mwatimukaya na see! Owe, we musumba wa cimvulunganya ni ciwowo! Antu yako yatakomilwe uku lupanga foo, nanti ukufwa umu nkondo.

Ezaya 24:22

Leza amatitikanya pamwi, yamwene yonsi amu ciwina icili conga kwene, ungati anyepwe. Amayayalila umu ng'anda yaminyololo, ukufika na pa nsita ino yalayalolwela penepo.

Ezaya 34:3

Ivyala vyao vilalala insansalila ukwaula kuzikwa. Vilaolela pambiliwili nu kununka wakwe cimwi. Imyamba ilayenza cee uku wazi wao.

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Ezaya 66:16

Antu yonsi pano nsi yano ndazana nu mulandu, ndayafulula ku moto nu ku lupanga nu kufwa aingi yalafwa.”

Ezaya 9:11

Ali cino fwandi Yawe watakalaufya anisi yao apakuti yayazanze.

Ezaya 9:12

Aina Alamu yayelile lwaku ufumondaka. Aina Filisti nayo yayelile lwaku uwondaka, ala yatiyacenzela calimwi apa kuciola aina Izlaeli. Icipyu cakwe Yawe cicili, pano acili azunzwile ikasa lyakwe apakuyazangola.

Ezaya 9:16

Intunguluzi zya mwata ndi uo zyaponga, zyafuma umu nzila. Na yano yakatungulula nayo kwene yakuponziwa kumwi.

Ezaya 9:17

Ali cino Yawe atalaleka nanti wenga apa alumendo yayo kuti apusuke. Wene atalatezela nanti ana asyale, yano yalasya kumwi na yamukamfwilwa. Pano umutundu onsi ukapontela Leza nu kwifya. Ukavwanga ni vya uwelewele. Ali cino fwandi muli vyonsi vivyo Yawe atalezya ukuta ukusoka nanti ukuzunzula ikasa lyakwe.

Ezaya 9:20

Yonsi pyu umu mpanga yakulombola sile utwakuti yangalya. Lelo icakuti inzala isile, awe cene foo! Lyene icisile yakulya nu twana twao!

Ezaya 9:21

Aina Efulemu na ina Manase yakulwisyanya. Alino nupya antu kwene yaa yakulwisya Ayuda. Ee, kwene umu cumi icipyu cakwe Yawe ciciliko, pano acili watazunzula ikasa lyakwe apa kuyavunuka.

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 37:10

Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Yelemiya 4:8

Acino zwalini ivyakuzwala vya ndosya, mulile nu kupomola impooma, pano ukali wakwe Yawe pali sweswe utalatala usile.”

Oseya 9:12

Nanti angala yene yangavyala ana, ndayonona, kusi umwana nanti wenga alasyala umumi. Kalanda kuno yali lilyo lino ndayafutatila.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.