Ezaya 10:3 - Amazwi Yakwe Leza 2013

³ Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?

Ezaya 10:3 ပူးပေါင်းရင်းမြစ်များ

Utandiko 31:1

Yakobo auvwa ukuti ana yakwe Labani aonsi yakuti, “Yakobo watatoola vintu vyonsi ivyali vyakwe tata. Watazana ukama ukufuma kuli vino tata wakwata.”

2 Yamwene 7:15

Antu yalya yayalondelela mpaka nu ku Yodani kwene. Lyene mu museo monsi yazana ivyakuzwala kumwi ni viombelo vino aina Asilya yasile yasumba lino yutwike kantapepela vyativisansantika. Acino inkombe ziswilila mwenemo, nga ziya zinena umwene.

Yobo 31:14

indacita cani lino Leza alakatuka? Indamwasuka uli lino alanguzya?

Mapinda 11:4

Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

Ezaya 13:6

Pongomokini pano uwanda wakwe Yawe uli umupipi. Uwanda uo uliza wa ononesi ukufuma kuli wiyo Wamaka yonsi.

Ezaya 17:4

“Mu wanda ulya ucindami wakwe Yakobo ulasila, nga ni cuma cakwe cilasanguka ciye upina.

Ezaya 20:6

Mu wanda ulya antu aikala mu nkumba yakwe yemba yalavwanga yati, ‘Silolini vino caya ku antu yayo yano twasintililemo. Swemo twatailanga ukuti ayano yalatwazwilizya nu kutukulula ku mwene waku Asilya! Owe mwe! Uzye lyene swemo tulapusuka uli?’”

Ezaya 26:14

Pali ndakai lyene yafwa yonsi, nupya yatalatala yayeko. Imipasi yao italatala ikatuke foo, pano awewe wayapezya nu kuyonona. Kusi nanti umwi akaiusya, awe.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Ezaya 28:20

Mulaya wa muntu wiya wino yakataka umwi pinda yati, “Umuntu umwi watatambalala apa katala akiipi, nu kwezya ukuvimbala kaulangeti akali wa citambala uku wipi.”

Ezaya 29:6

Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.

Ezaya 30:16

Mukalonda sile ukuzinganya anisi inu pa mfwalasi. Nu kulungika ee kwene mukalungika, kamwalukuutuka! Mukaelenganya ukuti imfwalasi zinu izyalwilo sana. Lelo mulalola ukuti yano yakamuzinganya yalamulusya ulwilo.

Ezaya 30:5

ukuya kwene, Ayuda yamatezanga apa lwa kutaila umutundu wa antu utaya na cisinka, uno usiyatuula ndi yazina kunuli.”

Ezaya 30:7

Uwazwilizyo uno ukafuma uku mpanga ya Eguputo uwa ciwelewele sile. Icaleka fwandi izina lino natemela Eguputo ilya misuli yakwe, ilyakuti, “Laabu Mulya sile.”

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Ezaya 39:3

Alino kasema Ezaya aya uku mwene Hezekiya, atandika ukumuzya ati, “Uzye antu kwene yaa yafumile kwi, navino yakunenyile ivyani?” Hezekiya nawe aasuka ati, “Yafumile ukutali, uku mpanga yaku Babiloni.”

Ezaya 5:14

Umu cumi umukolomilo wa mfwa ukulolela, nga watiwasama akanwa apakuti uyatunkile. Apa kumila iumba lya yasambazi yamu musumba ni nkutwi yakwe celico iluvwika.

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Yelemiya 22:7

Ninteyanya aomvi yano yaliza yakulwisye. Cila muntu aliza ni mpasa yakwe. Yaliza yateme imiti yako, imikelide iyololoke nu kuisumbila umu moto.

Yelemiya 4:30

Alino nawe we Yelusalemu, ulazanzwa! Uzye pacani cino ukazwala insalu ziyenzulukile? Uzye pacani cino ukazwala iviyembelo vyakwe zaabu, nu kuipentola apa vipa vyako? Ala ukuicuzya sile apakuiyemvya! Yayo akutemilwe mpiti yatiyakusuula, yene yakulonda kukukoma.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 9:9

Uzye kwene nemo ntalayavunuka apa vintu vivyo viipe? Uzye kwene umutundu wa musango ndi uo ntange ndandule? Ne Yawe natindanda.”

Oseya 5:13

“Lino antu aku Efulemu yalola ukuti yakulwala, nga antu aku Yuda nayo yalola ivilonda vyao, antu aku Efulemu yaya iyaya ku ina Asilya, antu aku Yuda nayo yatuma amazwi ku mwene mukulu, kuti ayazwe. Lelo wene atakweti amaka akuyapozya nanti ukulwazya ivilonda vyao.

Oseya 9:5

Uzye apa wanda wakuzevya, wanda wakucindikilamo Yawe, antu yayo yalacita cani?

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Amosi 5:19

Cilaya ndi vino cikaya lino umuntu akuutuka cisama nga lyene akomanya icilyanyi icakolana ni cuuli, nanti vino cikaya ndu muntu wingila mu ng'anda, nga lino wasamila ku lung'umba inzoka imuluma.

Mika 7:4

Umuntu umusuma ukuluta auze ali ungati ivikona, uwacumi nawe akoline cimpinda ca myunga. Uwanda uno Leza alavunuka antu watiufika, ndi vino wayacewile ukupitila muli yakalinda yao, yakasema. Lyene ndakai yatiyavulunganyiziwa.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Malango 28:49

Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.