Ezaya 1:9 - Amazwi Yakwe Leza 2013

⁹ Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Ezaya 1:9 ပူးပေါင်းရင်းမြစ်များ

Utandiko 18:26

Yawe aasuka ati, “Ndi mu Sodoma ningazanamo antu amakumi yasano akacita vyawololoke, ntalonona umusumba pamulandu wakwe yayo.”

Utandiko 18:32

Abulaamu avwanga ati, “Napapata Mwene utasoka nupya, lelo nzumilizya mvwange lyonga sile. Ndi mu musumba ulya mwazanwa sile antu ikumi akacita vyawololoke, uzye ulaonona?” Yawe aasuka ati, “Ntalonona umusumba ulya ndi ningazanamo antu ikumi akacita vyawololoke.”

Utandiko 19:24

Yawe aponya makala ya moto wakwe pali Sodoma na Gomola.

1 Yamwene 19:18

Lelo nemo indi nu kusya penepo antu ukulingana na mazimbi cinimbali, yao atatala yantalamila nupya yatatala yafukamila Baali nanti ukutonsola kaluwi kakwe.”

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

Ezaya 1:8

Umusumba wa Yelusalemu ali uno usile sile onga. Lelo nao uli wa kang'anda kakwe malonda kano kaya sile konga umu calo ca matingi. Nanti wa cisao cino caya umu calo ca viimbi.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 11:16

Kulaya umuseo ukulu ukufuma mu Asilya, uwakupita antu yakwe, aina Izlaeli asile, apuswikemo ndi vino cali uku vikolwe vyao, lilyo lino yafumile mu Eguputo.

Ezaya 17:6

Mulasyala sile antu ampendwa yano alapusuka. Impanga ya Izlaeli ilasyala sile wa muti umuolivi, uno yatiyapukunya kweneko iviseekwa vyonsi, nu kusya sile iviseekwa viili nanti vitatu apa ntonje apapela. Nanti iviseekwa vini nanti visano ivisile ku misambo.” Kuu kuli kulanda kwakwe Yawe, Leza wa ina Izlaeli.

Ezaya 24:13

Eee, icacumi, avino cilaponela imitundu ya antu ya pano nsi yonsi. Cilaya ndi vino cikaya apa kuzombola. Lino yakapukunya nu kukunta iviseekwa vya miolivi vyonsi. Nanti vino yakakuntola utuseekwa twaku matingi utwakusyalikizya.

Ezaya 24:6

Asi papo Leza lyene watatipwila insi apakuti iononeke. Antu kwene aikazi yamwenemo, ali yano yatiyailetelela aeneco kwene. Ali mulandu kwene uno lyene insyazi zyakunzi zyatizitandika ukucepela kweneko.

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Ezaya 46:3

“Munguvwe, mwe ang'anda yakwe Yakobo, mwensi mwemuno mwasyala amu ng'anda yakwe Izlaeli. Anene nkamusunga ukutandika sile nu kukuvyalwa kwinu.

Ezaya 6:13

Nanti umu mpanga mwasyala umuntu wenga pa antu ikumi lyonga, nawe kwene ndamulovezya kumwi. Wene alasyala sile wa cisiki ca muoko cino yacentula.” (Cisiki cico cilaya wa cimanyililo cakutandikila cipya cipya uku antu yakwe Leza.)

Ezaya 65:8

“Ne Yawe inkuti kutaya umuntu wino akaonona iviseekwa ivisuma vya matingi foo, pano umukafuma mwenemo waini. Ali cino fwandi nani kwene avino ndacita. Ntalalovya antu yane yonsi foo. Lelo ndapususya mwenemo yano yakantumikila.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Nyimbo zya ndosya 3:22

Ulukundo lwakwe Yawe lusisila. Amizu yakwe amuntaputuka.

Nyimbo zya ndosya 4:6

Antu yane yatiyavunukwa ukuluta navino cali ku ina Sodoma, yayo aononyilwe mu kupumikiziwa nupya kutali uwakuyazwa.

Ezekelo 14:22

Lelo yamwi yalasyalako umu mpanga iyo, yayo alafumyamo ana yao aonsi na anaci. Yene yaliza kunomuli, nga namwe muce mulolekesye imicitile yao. Muce mulole ukwipa kuno yipa, nga lyene musininkizye ukuti nsikuyafyenga apakuyaletela uvunuko.

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Habakuku 3:2

We Yawe, natinuvwa vyakulumbuka kwako. We Yawe nupya nuvwa intete. Acino ivicitwa vyako kwene vii, uviswilizye nupya kwene kuti viye vimanyikwe amanda kwene yaa, ivizungusyo vikulu vino wacitanga. Lelo ukwate uluse nanti umu nsita kwene ino watusoka.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Mateo 7:14

Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.

Loma 9:27

Vii avino kasema Ezaya wavwanzile pamulandu wa ina Izlaeli ati, “Nanti angala aina Izlaeli yavula wa musensenga uwamu nkumba yakwe yemba, lelo anono sile alatuulwa.

Loma 9:29

Ezaya nupya wavwanzile ati, “Ndi mwene Wamaka yonsi wange alovye vizikulula vitu, twange tulowe wa misumba ya Sodoma na Gomola.”

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

2 Petulo 2:6

Leza wavunwike antu amu misumba ii ku moto kuti ciye icilangililo ca cintu cino cilacitikila yakaifya.

Umbwilo 11:8

vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.