Ezaya 1:8 - Amazwi Yakwe Leza 2013

⁸ Umusumba wa Yelusalemu ali uno usile sile onga. Lelo nao uli wa kang'anda kakwe malonda kano kaya sile konga umu calo ca matingi. Nanti wa cisao cino caya umu calo ca viimbi.

Ezaya 1:8 ပူးပေါင်းရင်းမြစ်များ

Yobo 27:18

Antu aipe yakaikuulila sile amang'anda kwati amasumbo yakwe tandaulwe, nanti kwati akamusakuta kakwe malonda. Akulinda nu kuzila kolwe uku vyalo.

Masamu 9:14

apakuti ningimilila inkolelo ya antu amu Yelusalemu nu kuyanena ivintu vyonsi vino nkakulumbanyizizyapo. Namazanga pano wemo wantuula.

Ezaya 1:7

Impanga inu yatisanguka amapooli, ni misumba inu nayo yaongoloka nu kupya nu moto. Ainamasi yakusampa impanga inu nu konona akali konsi akaya mwenemo, namwe ala mukuilolela vivyo kwene mwenga.

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Ezaya 10:32

Lelo uwilelo umwanisi awiyo aimi uku Nobu, watatumpula ikasa lyakwe apa kuzanza antu aku Mwamba wa Zioni, umulundu uwamu Yelusalemu.

Ezaya 29:3

Leza aliwe aliza atantamike ivita wi linga apakufulula umusumba. Aliza auzinguluke, nu kuuzanza aliwe kwene alauzanza.

Ezaya 30:17

Antu inu izimbi lyonga yalapuuka, apakulola sile icita conga ca anisi inu. Alino ivita visano sile ivya anisi inu vilakumana pakumuzinga mwensi pyu. Api umba lya vita vinu patalasyala akantu nanti konga, suka sile imendela inu aino ilyasyala ikupepela sile apa mwamba!

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Ezaya 4:4

Yawe alafula anaci amu Zioni pa uyi wao. Alasangulula Yelusalemu uku wazi uno yazwisya, uku mupu wakwe sile uwa upinguzi nu wa ononyi.

Ezaya 49:21

Alino nawe umu mwenzo wako ulaasuka uti, ‘Uzye aweni uwamvyalila ana yaa? Nemo ntakweti umwana, nali ing'umba. Uzye aweni fwandi uwakuzya ana yaa? Walanga nafwilwa. Lyene yaa yafuma kwi?’ ”

Ezaya 62:11

Yawe akulaizya ku mitundu yonsi, mpaka nu kumpela yansi ati, “Nenini umukazyana mwana Zioni muti, Katuula wakwe awiyo akwiza. Ali ni cilambu ca kucimvya kwakwe, watakolezya ni visampwe vyakwe.”

Ezaya 8:8

Yaliza yapongwele impanga ya Yuda nu kuiunzya mpaka antu yamwele ukufika nu munsingo zyao. Mulamba wiyo alalimba impanga yako yonsi, Iye, we Imanueli!”

Yelemiya 4:17

Yene yatiyazinguluka Yelusalemu, kwati a yakalinda ya calo, apa mulundu wakuti wene watalamila ne Yawe. Ivyalanda ne Yawe.

Yelemiya 6:2

Umusumba wa Zioni uyembe wakwe cimwi, lelo nemo ndaonona.

Nyimbo zya ndosya 2:1

Iye mwe vino Yawe ku cipyu cakwe wataponyezya Zioni umu mfinzi. Ucindami wa kwiyulu uno Izlaeli wakwata, Umwene wataonona. Uwanda uno wasosile atasakamile nu kucilyatilo ca ngazo zyakwe.

Nyimbo zya ndosya 2:6

Watalyatola Ng'anda ikulu yakwe Leza muno tukamupepela. Watalenga kuti mu Zioni mutaya amanda amuzilo kumwi na Masabata, Lyene nu ukali wakwe wafulumila yakateeka na yasimapepo kwene.

Zakaliya 2:10

Yawe wavwanga wati, “Umilini tupundu nu kusansamuka mwe ina Yelusalemu, pasi pano niza umu kwikala pakasi kinu!”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Yoane 12:15

“Mutoopa, mwe antu amu musumba wa Zioni! Lolini, Mwene winu akwiza, watakwela pali mwana punda.”