Ezaya 1:7 - Amazwi Yakwe Leza 2013

⁷ Impanga inu yatisanguka amapooli, ni misumba inu nayo yaongoloka nu kupya nu moto. Ainamasi yakusampa impanga inu nu konona akali konsi akaya mwenemo, namwe ala mukuilolela vivyo kwene mwenga.

Ezaya 1:7 ပူးပေါင်းရင်းမြစ်များ

2 Milandu 28:5

Caleka Yawe Leza wakwe amupeela mu makasa ya mwene waku Alamu. Lyene aina Alamu iyamucimvya nga yasenda na antu yakwe avule uku Damasiko wa anyepwe. Wene wapilwe nu mu makasa kwene ya mwene waku Izlaeli, wiyo uwamucimvizye wakwe cimwi apakukoma antu nyanya akwakwe.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Masamu 107:39

Lino antu yakwe Leza yacepilwe amaka, pamulandu na kanyati ka kutekwa uku kalili,

Masamu 109:11

Wensi uwamukongwisye impiya kamupokolole ivyuma vyakwe vyonsi. Umwenyi kamupokolole vino walonsile nu kuviculila.

Ezaya 1:8

Umusumba wa Yelusalemu ali uno usile sile onga. Lelo nao uli wa kang'anda kakwe malonda kano kaya sile konga umu calo ca matingi. Nanti wa cisao cino caya umu calo ca viimbi.

Ezaya 3:8

Ala umu cumi, Yelusalemu alaongoloka, Yuda alawa, pano imivwangile yao, ni vicitwa vyao vikacuzya Yawe, yakamutukola apaswe.

Ezaya 34:9

Inguzi zyamu Edomu zilasanguka amanenekela nu musili ulasanguka amaluti. Impanga yonsi ilaapya sile wa makala ya moto.

Ezaya 49:19

“Nanti angala wizile uya wa citalang'anda, wemuno yakutazyezile umwaulamo akantu, ndakai umacepesya cakuti utangasunga aikazi yako. Na yayo akononyile yalayapusizya ukutali nawe.

Ezaya 5:17

Umu vitotela vyamu musumba ali muno utufwele tulailyokezya umulemvwe. Ali muno nu twana twa mbuzi tulaalila mwenemo.

Ezaya 5:9

Ali cino lyene Yawe Wamaka yonsi wasuka walapa, ala nkuyuvwila na matwi yane ati, “Amang'anda avule yalononeka. Yalaya amatongwa.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Ezaya 60:15

“Lyene fwandi antu yatalatala yakutazyele, nanti ukukusuula ndi vino yakupasile nu kukufumyako amano. Nemo ndakucindamikila calimwi. Nupya umwako kwene ali muno yalasansamukila amanda yonsi.

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Ezaya 64:10

Imisumba yako yamuzilo, lyene ili ntangali ntangali, amatongwa sile. Alino nu mu Yelusalemu kwene musile ivitotela vitupu.

Ezaya 9:18

Ala umu cumi uyi ukapya wa lupya. Wene ukaoca imyunga na yankololwe. Ukawayola umutengo wa matesi ni cimbilimbili ca vyunsi icifutumukila nu mwiyulu.

Ezaya 9:5

Pano lyene ulusapato lonsi ulwa ulwi, nanti insalu zyonsi izikandane uku wazi, vimapya pyu uku moto.

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.

Yelemiya 44:6

Fwandi lyene nani icipyu cane cayaponile nu koca imisumba yamu Yuda ni miseo ya musumba wa Yelusalemu yasanguka amatongwa na antu apakuilola yakakunta sile imitwe ukufika na pilelo.

Yelemiya 6:8

We Yelusalemu, cenjela pano limwi ningakufutatila nu kukusangula ulwanga, incende muno musiikala umuntu nanti wenga.”

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Nyimbo zya ndosya 5:2

Yatupoka impanga itu ku enyi, nga na mang'anda itu yapeelwa ku inamasi.

Ezekelo 25:4

Pamulandu wakuti mwemo mwatemwa, nani ndaleka ukuti antu amitundu iyaya mu lwanga iyaku ufumondaka yakize yakamucimvye. Mu mpanga inu yaliza yakuulemo insakwe, nu kwikala amuno yakikale. Yaliza mu kumuliila ivyakulya nu kumumwela iziya.

Ezekelo 30:12

Ndakamya uluzi lwa Nailo nu kukazya impanga ya Eguputo ku antu aipe. Ndaomvya ainamasi apa konona impanga ilya kumwi na vyonsi ivyaya mwenemo. Ne Yawe natindanda.”

Oseya 7:9

Ainamasi yakayafipa amaka, ukwaula kuti yamanye. Yene yakwata imvwi, ukwaula kuti yamanye.

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Aina Levi 26:34

Lyene impanga ilaipakizya imyaka ya upuzo lino mu mpanga iyo musi antu, Mwemo ale mukwikala mu mpanga ya anisi inu. Mu nsita kwene iyo impanga ilikala sile, ale ikuipakizya imyaka ya upuzo lino mwemo muli mu mpanga zya anisi inu.

Mika 5:11

Ndonona imisumba yamu mpanga inu nu kuwisya amalinga inu.

Mika 6:13

Caleka natintandika ukonona mwemwe, ukutanganya mwemwe pamulandu wa maifyo inu.

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Malango 28:43

“Ainamasi alaikala mu mpanga inu yalacindamilako sile cila wanda, namwe ale mukusaalukilako sile cila wanda.

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.