Ezaya 1:5 - Amazwi Yakwe Leza 2013

⁵ Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Ezaya 1:5 ပူးပေါင်းရင်းမြစ်များ

2 Yamwene 1:13

Acino umwene wilya atuma musika mukulu uwa vita namuze pamwi na antu yakwe amakumi yasano. Lelo musika uwa vita wii wakwe citatu atumbela nga aya afukama pa ngazo zyakwe Eliya. Alino amupapata ati, “We muntu wakwe Leza, napapata utangonona pamwi na antu yane yaa amakumi yasano.

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.

Neemiya 9:34

Ivikolwe vitu, yamwene itu, intunguluzi zitu, na yasimapepo itu, yonsi yakanyile kulondela amasunde yako. Yakana ukuwaka amalamulo yako navino wayasokanga.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Ezaya 33:24

Apa antu yonsi aaya umu mpanga itu, patalaya nanti wenga alailizyanya apakulwala. Alino antu yonsi nayo yalaelwa uluse apa uyi wao.

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Ezaya 9:21

Aina Efulemu na ina Manase yakulwisyanya. Alino nupya antu kwene yaa yakulwisya Ayuda. Ee, kwene umu cumi icipyu cakwe Yawe ciciliko, pano acili watazunzula ikasa lyakwe apa kuyavunuka.

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Yelemiya 44:15

Apakuvwa vivyo, aonsi yonsi yano yamanyile ukuti aci yao yatuuzile tuleza utwenyi ubani, alino na anaci yonsi yano yazanyilwe kweneko, ukwikapo sile na ina Yuda aikalanga uku citungu ca Patilosi umu mpanga ya Eguputo, yaasuka Yelemiya yati,

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Nyimbo zya ndosya 5:17

Ali cino imyenzo itu yatemboka na pa manso itu pali akanda, pamulandu na minsozi,

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Ezekelo 34:4

Mutakomelezyanga imfwele zitonte, mutapelanga izilwale umulembo nanti kuzinyepela ivilonda. Mutawezyanga iziponge nanti kulonda izyapumbuka. Zyene zyatesilwe sile ku kalili.