Ezaya 1:2 - Amazwi Yakwe Leza 2013

² Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 1:2 ပူးပေါင်းရင်းမြစ်များ

2 Yamwene 21:22

Wasuzile Yawe Leza wa vikolwe vyakwe, nupya atalondelanga amasunde yakwe foo.

Masamu 49:1

Kutikini kuno mwe antu mwensi! Uvwini mwe ikala nsi konsi,

Masamu 50:4

Walaizya amwiyulu na pano nsi uku upinguzi wakwe wati,

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Ezaya 30:9

Apamulandu wakuti antu cila nsita yakatalamila Leza, yakapepa ufi nu kukana uvwa kuli vino Mwene akuyasunda.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Ezaya 34:1

Palamilini kuno mwe antu amitundu yonsi, kolonganini apakuti muvweko. Antu yonsi yano yikala pano nsi kaize yuvwe kunondi.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Yelemiya 13:15

Mwe ina Izlaeli mwe, ala tiini ivilumba vinu! Muvwikisye ningo, pano ne Mwene anene nkuvwanga.

Yelemiya 22:29

Iye mwe we mpanga we! Mpanga we!” Si uwauvwa izwi lyakwe Yawe!

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Ezekelo 24:3

Nena yacisanguka ipinda lii lino nayumile ne Yawe uti, ‘Teka umupika pa moto, nga wauteka witilemo na manzi.

Ezekelo 36:4

Caleka lyene uvwini vino ne Yawe nkumunena mwe myamba na mwe twamba, namwe mwe tunguzi, namwe mwe mikonko, namwe mwe ncende izyasyala ulwanga, na mwe misumba yasyala ivitalang'anda, mwemuno antu ya mitundu ya mumbali yononyile nu kumuwela.

Amosi 3:1

Mwe uvwini amazwi yano Yawe wavwanzile, amazwi akumukalipila mwe ina Izlaeli. Kuli kuti uluko lonsi luno wafumizye mu mpanga ya Eguputo. Wene wavwanzile ati,

Mika 1:1

Mu manda ya kuteeka kwa mwene Yotamu, na kwakwe Aazi nga na kwakwe Hezekiya, ali yamwene aku Yuda, Yawe anena Mika waku Molesyeti amazwi. Nga ivintu vii vili vino wene waweni mu cilolwa ivikumile Samaliya na Yelusalemu.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Milimo 4:20

Pano swemo tutangata kulanda pali vino twalola nu kuvwa.”

Malango 1:31

nu mu lwanga kwene. Kuku mwaweni vino Yawe wamusenzile nzila yonsi amuleta ku cifulo cii, wakwe vino isi akasunsa umwana pa ciye.’

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Malango 32:1

“Iyulu ni nsi angala muvwe amazwi yane, muvwikisye vino nene nkulanda.

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.