Esita 9:5 - Amazwi Yakwe Leza 2013

⁵ Acino lyene Ayuda yaicitilanga icili consi cino yatemwa ukucita uku anisi yao. Yayazanzanga ni vyanzo vyao nu kuyakomola.

Esita 9:5 ပူးပေါင်းရင်းမြစ်များ

Neemiya 9:24

Fwandi ali vino ana yano yingile mwenemo yaipoka nu kuipoka. Yazanzile aina Kenani mpaka yazuka yaya zii, kumwi na yamwene ya mwenemo na antu yao, yayanyata yacita na vino yakulonda kunoyali.

Esita 3:13

Alino yakapaso nayo iyasimuzya zuwa ivikalata vivyo nu kuvisalanganyizizya umu vitungu vyonsi pyu! Mwali amazwi akuti, “Apa wanda sile uli umwi kwene, uwanda walenga ikumi na yatatu umu mwezi uwalenga ikumi na iili, wakwe Adali, ali wanda uno yali nu kukoma Ayuda yonsi nu kuyalovya. Ukutandikila apa mwance ukufika na pa mukote, yamangu nu twana tunono, yonsi yali nu kukomwa. Yali nu kufwa ukwaula uluse alino nu kusampwa ivyuma vyao.”

Esita 8:11

Apa makalata yayo palondolwile ukuti Ayuda yonsi yatiyapeelwa insambu yakumana akapi, nu kuombela ca pamwi, apa kuicingilila nu kulwisya wiyo wensi angiza azazambile umutundu wao umu citungu cao. Nga cali cakuti yamwi yazanza ana yao na ya mama yao, yafwile yalwa nayo nu kuyakomola, nu kupokolola ivyuma vyao.

Esita 9:6

Umu Susa monga sile, umusumba ukalamba, Ayuda yakomile antu ukufika nu ku myanda isano.

Masamu 92:12

Asuma yene yamalelemanga wa tuncindu, yamaikalanga wa miti italimpisye, imikelide iya ku Lebanoni.

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

2 Tesalonika 1:6

Leza alacita cisuma pa kuvunuka yao alaleta macuzi panomuli.