Esita 9:3 - Amazwi Yakwe Leza 2013

³ Alasi amu miputule ya mpanga yonsi na yakateeka, yamusika pamwi na aomvi yauze yonsi pyu yali ku lusansa lwa kwazwilizya Ayuda apamulandu wakoopa Modekai.

Esita 9:3 ပူးပေါင်းရင်းမြစ်များ

Ezila 2:2

Yatungulwilwe na Zelubabeli, Yesyua, Neemiya, Selaya, Leelaya, Modekai, Bilisyani, Misipali, Bigivai, Leumu na Baana. Fwandi uwo uli utantiko wa ina Izlaeli, awelulwike. Utantiko uyelile mu nko zyao ni milimo yao, nga alino ni mpendwa yakwe cila luko nanti cila umba:

Ezila 8:36

Yatola na kalata wino umwene Alitakisesi wayapile, yatwalila alasi na yamusika akuno mbalama ya luzi lwa Yufulate, nayo ali pakwazwilizyako antu nu kwazwilizya Ng'anda ikulu yakwe Leza.

Esita 3:12

Walanga uwanda uwalenga ikumi na yatatu uwa mwezi wakutandika wafikila, yaama yakalemba ya kwisano nu kuyanena ukuti yalembe ivikalata ivya mpwelo, ukulingana ni lamulo lyakwe Hamani. Iya vilemba muli cila mutundu na muli cila lulimi ulukalandwa umu vitungu vyonsi ivya utesi wa ina Pesya. Alino yatuma kuli yakateeka ya vitungu vyonsi, uku alasi nu ku ntunguluzi zyonsi. Yalembile umwi zina lya mwene Aasuwelo. Yafwatikapo ni nsimbi ya mbalaminwe yakwe.

Esita 8:17

Umu musumba nu muputule wa mpanga uli onsi, ukwalile ikufika kalata wa mwene uwa malamulo yakwe, kwali insansa uku Ayuda. Kwali ukuzevya, ukupanga amalila nu kucindikisya amanda yakulu, nu kuyacita akupuza nu kuzevya. Icalenzile na inamasi aingi yaisangule Ayuda apa kuzana ukuti yatandike ukuya ni ntete nu koopa Ayuda.

Esita 8:5

“Ndi cakuti cingazanzya umwene, nu kunsakamala ansakamile nupya nu kulinga ndi caticilinga, kayalembe kalata wakulesya amapange yano Hamani umwina Agagi, umwana umonsi wakwe Hamedata walondanga ukulovya umutundu wa Ayuda umu miputule yonsi ya mpanga ya mwene.

Esita 8:9

Vivyo vyacitike apa wanda walenga amakumi yaili na yatatu umu mwezi wakwe citatu, ukaamwa Sivani. Modekai ali pakwama yakalemba yonsi pyu, akwisano. Ayanena ukuti yalembe amakalata akusalanganya umwayela a Yuda nu mu alasi, nu mu ntunguluzi zyonsi izikatungulula amaumba umu miputule ya mpanga yonsi umwanda onga, amakumi yaili na cinimbali. Ukutandikila uku India mpaka ukufika nu ku Kusyi. Kuli cila citungu, yalembele kweneko kalata, umu mutundu wao, Ayuda nayo iyayalembela umu cilimi cao ica Ciyuda.

Danieli 3:2

Lyene apeela ilamulo kuti yame intunguluzi zyakwe zyonsi, yakateeka, alasi, angalizi, yampandamano, yakasunga ya cipao, yakapingula, yakaputula ya milandu, nga ni ntunguluzi zyonsi zyasyala zyamu muputule wa mpanga ilya.