Esita 8:8 - Amazwi Yakwe Leza 2013

⁸ Fwandi icisuma lembini kalata uku Ayuda umwi zina lya mwene ndi muno muwenile mwenemo ukuti icingalungama. Mufwatike penepo ni nsimbi iya mbalaminwe ya mwene. Pasi pano icintu icili consi nga calembelwa umwi zina lya mwene, nu kufwatika penepo insimbi ya kwisano, vikasyalilila pe.”

Esita 8:8 ပူးပေါင်းရင်းမြစ်များ

1 Yamwene 21:8

Acino Yezebele alemba makalata mwi zina lyakwe Aabu, nga afwanta penepo ni nsimbi ya wene, asaina penepo. Alino atuma makalata yayo ku vilolo ni ntunguluzi zyamu musumba umwikalanga Naboti.

Esita 1:19

Caleka we musambazi, ndi cakuti cingazumiliziwa, wemo tuma ulwamo kuti namwene Vasyiti aize alolekele pa manso yako. Nupya leka isunde lilembwe mu lupapulo lwa masunde ya ina Pesya na ina Medya, ilitangasenulwa. Kuli kuti pa cifulo cakwe namwene Vasyiti upyanikizyepo muntu muze uwacuvwilo kuluta aliwe, aye a namwene.

Esita 3:12

Walanga uwanda uwalenga ikumi na yatatu uwa mwezi wakutandika wafikila, yaama yakalemba ya kwisano nu kuyanena ukuti yalembe ivikalata ivya mpwelo, ukulingana ni lamulo lyakwe Hamani. Iya vilemba muli cila mutundu na muli cila lulimi ulukalandwa umu vitungu vyonsi ivya utesi wa ina Pesya. Alino yatuma kuli yakateeka ya vitungu vyonsi, uku alasi nu ku ntunguluzi zyonsi. Yalembile umwi zina lya mwene Aasuwelo. Yafwatikapo ni nsimbi ya mbalaminwe yakwe.

Esita 8:10

Fwandi Modekai walembela cila citungu kalata, umwi zina lya mwene Aasuwelo nu kufwatika penepo insimbi ya kwisano. Amakalata yasalanganyiziwa monsi pyu, uku kuomvya yakakwela ya pa mfwalasi, yaya kwene alwilo sana, amwi kola lya kwisano.

Esita 8:5

“Ndi cakuti cingazanzya umwene, nu kunsakamala ansakamile nupya nu kulinga ndi caticilinga, kayalembe kalata wakulesya amapange yano Hamani umwina Agagi, umwana umonsi wakwe Hamedata walondanga ukulovya umutundu wa Ayuda umu miputule yonsi ya mpanga ya mwene.

Danieli 6:8

Acino, we mwene, si pela icipope nu kucilemba apakuti citangalembululwa, iviine na masunde ya ina Mede na ina Pesya yano yatangasenulwa.”

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”