Esita 8:1 - Amazwi Yakwe Leza 2013

¹ Uwanda kwene uwa umwene Aasuwelo wapile namwene Esita ing'anda ni vyuma vyonsi vyakwe Hamani, umwanisi wa Ayuda. Esita anena umwene ukuti Modekai uwakazi kakwe, nga ukufuma lili kwene Modekai wazumiliziwe kumuleta uku mwene.

Esita 8:1 ပူးပေါင်းရင်းမြစ်များ

Esita 1:14

Yampandamano ya mwene yali ndi vii: Kalisyena, Syetali, Adimata, Tasyisyi, Melesi, Malisena na Memukani, ni ntunguluzi cinimbali zyaku Pesya nu ku Medya azumiliziwe kwiza lolana nu mwene. Nupya yakweti ivifulo vikulu mu wene ulya.

Esita 2:15

Insita ifika yakwingizya Esita ku mwene. Esita, umwana wakwe Abiaili, isi munono wakwe Modekai, wino Modekai kwene walezile ngu mwanakwe, atamulenzile nanti cimwi. Wene walenzile sile vino Hegai mutungwi wa mwene walanga watamunena, uwangalilanga ng'anda yakwe yamangu. Lino yonsi yalola Esita, iyazanga cuze.

Esita 2:7

Wakweti na kaci wakwe uwamu akazi kakwe isi. Izina lyakwe kaci wakwe wali a Esita. Izina lyakwe ilya Ciyebulai wamwangwa ukuti Hadasa. Umukazyana wiyo wali ni cata cisuma sana nupya umuyembe mu kuloleka. Fwandi lino akwasi yakwe Esita yafwile, uwasile akumulela nu kumukuzya a Modekai, kwati sile ali isi kwene.

Esita 7:6

Esita nawe aasuka ati, “Umwanisi witu uwatuzunya a Hamani, umunkalwe wiyo!” Lyene Hamani auvwa intete cuze apa manso ya mwene na namwene.

Esita 8:7

Nga lyene umwene Aasuwelo anena namwene Esita na Modekai Umuyuda ati, “Mwe, Lolini! Natinkulika Hamani apa ukakasi wakwe uwa kuzunya Ayuda. Natimpeela na Esita ivyuma vyakwe vyonsi kunoli.

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Mapinda 13:22

Umuntu uwa mano akasiila ana icaupyanyi, lelo icuma ca muntu mwipe cikasungilwa yayo akacita ivyaololoke.

Mapinda 28:8

Wiyo akasandulula ivyuma vyakwe umu kuomvya ulufyengo, ulwakulila auze mu vintu vino walonka, alavilonkela umuntu muze, nawe akavipeele nu ku alanda.

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”