Esita 7:4 - Amazwi Yakwe Leza 2013

⁴ Pasi pano nemo na antu yane, twikala uku kalili. Twakaziwa mpiti, tukalolela sile ukuloviwa. Nga cali icakuti yatusumvile sile umu uzya, ngano indi cele ukwaula kumamula akanwa. Pasi pano utazi witu utangalenga kuti we musambazi uculilemo.”

Esita 7:4 ပူးပေါင်းရင်းမြစ်များ

Neemiya 5:5

Nanti angala sweswe yali yamwi na Ayuda yanji. Uzye ana itu yatakoline na ana yao? Lelo tulinzile twakazya ana itu wa azya. Twatitukazya mpiti ana itu yamwi anaci wa azya, pamulandu wakuti antu yauze yatupoka vyalo vitu kumwi ni vya matingi kwene.”

Esita 3:13

Alino yakapaso nayo iyasimuzya zuwa ivikalata vivyo nu kuvisalanganyizizya umu vitungu vyonsi pyu! Mwali amazwi akuti, “Apa wanda sile uli umwi kwene, uwanda walenga ikumi na yatatu umu mwezi uwalenga ikumi na iili, wakwe Adali, ali wanda uno yali nu kukoma Ayuda yonsi nu kuyalovya. Ukutandikila apa mwance ukufika na pa mukote, yamangu nu twana tunono, yonsi yali nu kukomwa. Yali nu kufwa ukwaula uluse alino nu kusampwa ivyuma vyao.”

Esita 3:9

Kwene musambazi leka nkunene. Wemo pela sile ilamulo ilyakuti tuyalovye yonsi pyu! Ndi cakuti wazumila, nemo nenga ninjiteyanya ukupeela icuma cakwe siluva ukuluta apa matani 375, kuli yao apelwa umulimo wa kwangalila ivipao vyakusungilamo icuma ca kwisano.”

Esita 7:5

Lyene umwene Aasuwelo auzya Esita ati, “Nga fwandi, aweni wiyo kwene, angezya ukucita icintu kwene icamusango ndi uo?”

Esita 7:6

Esita nawe aasuka ati, “Umwanisi witu uwatuzunya a Hamani, umunkalwe wiyo!” Lyene Hamani auvwa intete cuze apa manso ya mwene na namwene.

Esita 8:11

Apa makalata yayo palondolwile ukuti Ayuda yonsi yatiyapeelwa insambu yakumana akapi, nu kuombela ca pamwi, apa kuicingilila nu kulwisya wiyo wensi angiza azazambile umutundu wao umu citungu cao. Nga cali cakuti yamwi yazanza ana yao na ya mama yao, yafwile yalwa nayo nu kuyakomola, nu kupokolola ivyuma vyao.

Esita 8:6

Pasi pano nemo ningaposiwa ukuposya apakulola kuno yakukomola antu yane kumwi na akazi kane.”

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Danieli 6:2

Ukulunda pali yayo, wene wasonsile Danieli nayauze yaili kuti yaangalila alasi yaya nu kuwaka ivintu vya mwene.

Yowelo 3:6

Mwemo mwaile mukazya antu aku Yuda na aku Yelusalemu ku Agiliki kuti muyatwale ukutali ukufuma ku mpanga yakumwao.

Amosi 2:6

Yawe wavwanga wati, “Pamulandu wakuti antu aku Izlaeli yakutwalilila ukwifya, nemo ntalaposiwa ukuyavunuka. Yene yakakauzya antu aololoke nu lupiya lwakwe siluva, iyakazya na antu apina uku kukauzya ni ndyatu.

Luka 12:45

Lelo muomvi wiyo ndi alelenganya mu mwenzo wakwe ati, ‘Mwene wane walengela kwiza,’ lyene atandika kuuma aomvi yauze aonsi na anaci, aalya nu kumwa nu kukoleka,

Malango 28:68

Yawe alamuswilizya ku Eguputo pa lwendo mu vyombo, nanti angala nemo namunenyile ukuti mutalatala muswilile kweneko. Kuku kwene ali kuno mwemo mulalondesya ukuikazya mweisikulu ku anisi inu wa azya aonsi na anaci, lelo kutalaya umwi alalonda kumukala, awe.”

Yoswa 9:23

Apakucita vivyo, ukufuma ndakai mwatipwilwa na Leza. Antu inu yalaya azya pe. Yene yalaatiya inkwi nu kusembela ing'anda yakwe Leza wane amanzi.”

1 Samueli 22:23

Ikala nani kuno, nupya utuvwa intete. Umuntu wino akulonda ku kukoma ala akulonda ukunkoma nani kwene. Lelo wemo umaikala sile umutende nani.”