Esita 6:1 - Amazwi Yakwe Leza 2013

¹ Usiku wa wanda kwene ulya, umusambazi ataweni napakusempwila utulo. Acino anena akuti yalete ulupapulo umwaya imilandu iyakwiusizya amasunde amilandu yampiti na mpiti. Iyatandika nu kuwelengela umwene.

Esita 6:1 ပူးပေါင်းရင်းမြစ်များ

Utandiko 22:14

Abulaamu atemela cifulo cici izina ati, “Kapeela a Yawe.” Caleka kufika na pilelo kwene antu yakati, “Pa mwamba wakwe Yawe apano cilapelwa.”

Esita 10:2

Ivicitwa vyakwe vyonsi ivya lulumbi nu ukangalume wakwe ukwika penepo ni vya ucindami wakwe Modekai wino umwene wacindamike, vyalembwa umu lupapulo lwa Milandu yakwe yamwene aku Medya nu ku Pesya.

Esita 2:21

Apa nsita ino Modekai waombanga umulimo wakwe ukwisano, alino yamutungwi yaili aombelanga ukwisano, wenga a Bigitana nu muze nawe a Telesyi, yene yasoka nga yumana akapi kuti yakome umwene Aasuwelo.

Esita 2:22

Lelo Modekai auvwa amapange yao nga alandila namwene Esita. Esita nawe aya alandila umusambazi Aasuwelo vino Modekai wamunenyile.

Esita 2:23

Umwene nawe alondelezya umulandu, nga azana ukuti icacumi avivyo kwene. Fwandi lyene yayo yoili iyaya yayakulikila uku cimuti. Alino umwene akonkomezya kuti yalembe umulandu uu umu lupapulo, apa manso yakwe, mumo umwalembwa imilandu ya mpanga ino yacitikanga umu nsita ni nsita.

Esita 5:8

“Ndi cakuti umusambazi angankwatila uluse nu kuvwa ukulenga kwane, cingazipa sana ukuti umusambazi pamwi na Hamani yakazanwe uku cimulo cino indayateyanyizizya mutondo. Ali lino ndaasuka iuzyo lya mwene.”

Ezaya 41:17

Lino antu yane yalalola amanzi, lino ku myenzo yao kulalangoka nu kuuma pamulandu nu lusala, nemo ne Yawe ndauvwa kuno yakumpapata. Nemo ne Leza wakwe Izlaeli ntalatala njatazyele foo.

Danieli 2:1

Mu mwaka wakwe ciili uwakuteeka kwakwe, Nebukadineza walosile iciloto. Cene camusakamike wakwe cimwi cakuti waposiwe nu kukasula.

Danieli 6:18

Lyene umwene aswilila kwisano lyakwe nga usiku onsi wene ataizi utulo awe, nanti ukulya icakulya nanti ukulola iviila vyakumuzanzya.

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?