Esita 5:9 - Amazwi Yakwe Leza 2013

⁹ Uwanda uwa walanga Hamani akufuma umu ng'anda ya cimulo, ala watazanga nu kusansamuka. Alola Modekai, aimilile apa mpongolo ya mwene kusi nu kulanga umucinzi uno walinzile ukupeela Hamani lino akupita. Hamani fwandi wene pasi pakusokela Modekai.

Esita 5:9 ပူးပေါင်းရင်းမြစ်များ

1 Yamwene 21:4

Acino Aabu afuma kweneko ala watasoka sana pali vino Naboti umwina Yezileele wavwanzile. Lino wasendama pa musanzi wakwe, alozya amanso ku lung'umba nu kulya atalile.

1 Yamwene 21:6

Nawe amwaasuka ati, “Apamulandu wakuti nalinanena Naboti umwina Yezileele kunkazya icalo cakwe ca matingi, nanti ndakasi, imupele icalo cuze ca matingi. Lelo wene wali wavwanga wati, ‘Nemo ntange nezye ku kupeela calo cane ca matingi.’ ”

Esita 2:19

Apa nsita ilya ino anaci atatala yamanya umonsi yakongine iila lyakwe ciili, alanga umwene wasonta mpiti Modekai ukuomba incito umu uteko wakwe.

Esita 3:2

Umwene wapile ilamulo ku yaomvi yonsi akwi sano, ilya kucindika nu kufukamila Hamani. Asyala yonsi avino yayezile ilamulo lilyo, suka sile Modekai wene wakanyile ukumufukamila nu kumupeela umucinzi.

Esita 3:5

Walanga Hamani walola ukuti Modekai wakana ukumufukamila nanti ukumupeela umucinzi, wene pasi pakusoka!

Esita 5:13

Lelo kwene vyonsi vivyo vitakweti incito nanti imwi kuli nene, pano ncili nkulola Modekai Umuyuda wiya atenzi apa mulyango wa mpongolo ya mwene.”

Yobo 20:5

isyuko lya muntu umwipe lisitala ilitantalila, ni nsansa zyakwe cisangoka zikalengela sile akasita kanono?

Yobo 31:31

Antu yane yakavwanga lyonsi yati, ‘Kutaya umuntu nanti wenga wino Yobo asiimula.

Masamu 15:4

Awiyo wino akalolekesya umwipe ni misuula, lelo akacindika nu kutontela Leza. Wino ndi walapa asifutuka, nanti angailetelela umweneco.

Masamu 27:3

Nanti sile iumba lya vita lyankatukila, nemo ntange nuvwe ni ntete. Nanti sile anisi yane yanzanza, nemo indataila sile muli Leza.

Danieli 3:13

Apakuvwa cico, umwene afuluma sile nu ukali nga apeela ilamulo lyakuleta antu yalya yatatu inkolelo yakwe.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 2:16

Lyene Helodi lino wamanya vino antu yamano yamutumpoka asoka cuze, atuma asilika yamwi ku kukoma ana yonsi aonsi ali ni myaka iili ya kuvyalwa nu kwiza pansi, ali mu Betelemu nu mu ncende izyapalime. Cii cali kulingana na vino antu yamano yamunenyile pamulandu na kasita, lino yaweni lutanda.

Luka 6:25

“Kalanda kuli mwemwe mwe muno mukwikuta ndakai. Pano mulaya ni nzala. Kalanda kuli mwemwe mwe muno mukuseka ndakai. Pano mulaya nu ulanda nu kulosya.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Milimo 7:54

Lino inkombe zya mwi Tengo zyuvwa kuli Sitivini, zikalipa cuze zilumanya incecete ku ukali.

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!