Esita 5:14 - Amazwi Yakwe Leza 2013

¹⁴ Zelesyi umuci wakwe pamwi na auze yakwe yonsi yamutolelela iyati, “Si wemo yanga sile ukimike icimuti icitali icingafika nu ku mamita amakumi yaili na yatatu. Mutondo akatondo tondo uce ukanene umusambazi ukuti Modekai akulikwe sile. Alino muce muye uku cimulo pamwi nu mwene ni myenzo isansamuke.” Apakuvwa vivyo, Hamani pasi pakusansamuka. Apela ni lamulo lya kwimbila icimuti ukwakukulikila Modekai.

Esita 5:14 ပူးပေါင်းရင်းမြစ်များ

2 Samueli 16:21

Aitofeli nawe aasuka ati, “Lala na aci yauze yakwe so yano wene wasile kuti yasunga isano. Lyene aina Izlaeli yonsi yalamanya ukuti so akukulola wa mwanisi kunoli, nga na yao akukulondela yalakomeleka wakwe cimwi.”

1 Yamwene 21:25

(Kutatazile kuya umuntu nanti wenga uwayembwike pa manso yakwe Yawe umu kucita ivintu viipe kuluta pali Aabu, pano wene watunkwangwa na Yezebele, umuci wakwe.

1 Yamwene 21:7

Yezebele umuci wakwe pali pakumunena ati, “Uzye umwene uwamu Izlaeli asi awewe kwene? Katuka nu kukatuka, ndulye nu kusansamuka. Nemo namakupokela calo ca matingi cico kuli Naboti umwina Yezileele.”

Esita 6:4

Umusambazi nupya auzya ati, “Uzye umwi sano muli aomvi yane yamwi?” Lyene lilyo kwene Hamani acincila ukwingila umu musolo wakwisano ukunzi, apakuti alenge ulusa uku musambazi ulwakukulikila Modekai uku cimuti cino wamuteyanyizizye.

Masamu 37:14

Antu aipe yakasomola masumo yao, nu kukana malapwa yao kuti yakome alanda na apina, yayo akapita mu miyele isuma.

Masamu 37:32

Icipondo cene cikacevya uwakaele, nu kulonda umwa kumukomela.

Masamu 9:15

Ainamasi yatiyaponela umu viwina vino yimvile aisikulu. Ingazo zyao zyatizilemya umu nkose zino yatevile aisikulu.

Mapinda 1:18

Antu amusango uo yakaiteyela sile aeneco kwene ulukose, lulo ululayalya aeneco kwene.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Loma 3:15

Yene yakampuka kucisa nu kukoma auze.

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.