Esita 5:1 - Amazwi Yakwe Leza 2013

¹ Pa wanda wakwe citatu uwa kuleka ukulya, Esita azwala umwingila wakwe unamwene. Lyene aya aimilila umukasi ka musolo wakwisano, ala wataikala, asumvile na manso uku mulyango. Umwene Aasuwelo amuno wali, ala atenzi apa cilimba ca wene, watalozya ni cinso lwaku mulyango.

Esita 5:1 ပူးပေါင်းရင်းမြစ်များ

Esita 1:11

Ayakonkomezya ukuyasenda namwene Vasyiti, aize muno yali. Ayanena ukuti namwene Vasyiti afume watazwala icisote ca unamwene apakuti antu ni ntunguluzi zyonsi zize zilole kuyemba kwakwe. Vasyiti wali amama umusuma sana ukulola.

Esita 2:5

Umu musumba wa Susa mwatenzi mwenemo umuntu umwi Umuyuda. Izina lyakwe wali a Modekai, umwana umonsi wakwe Yaili, umwana umonsi wakwe Syimei, umwana umonsi wakwe Kisyi, uwamu luko lwakwe Benjamini.

Esita 4:11

“Aomvi ya mwene yonsi yamanya ukuti umonsi wensi nanti umwanaci ali wensi, uwala wingila umu musolo wakwisano umukasi, ukwaula ukuti yamwame kweneko, wiyo wene ali nu kufwa. Suka sile manye ndi cakuti umusambazi aliwe wamusonta ni nsonzo yakwe zaabu iya wene lyene angapusuka. Alino nani pano yangamile ukwiza uku musambazi, ala patipapita sile amanda amakumi yatatu.”

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Esita 4:17

Modekai nawe ali pakufuma kweneko aya acita na vyonsi ndi muno Esita wamunenile.

Esita 6:4

Umusambazi nupya auzya ati, “Uzye umwi sano muli aomvi yane yamwi?” Lyene lilyo kwene Hamani acincila ukwingila umu musolo wakwisano ukunzi, apakuti alenge ulusa uku musambazi ulwakukulikila Modekai uku cimuti cino wamuteyanyizizye.

Esita 8:15

Modekai nawe wafumile umu musumba, ala watazwala insalu zya wene iziyenzulukile ni zitiswe, alino ni ngala ya wene yakwe zaabu iikulu. Ukwikapo ni cikuwalo cakwe zaabu ica mingololozi. Umu musumba monsi umu Susa ala ya kupunda nu luzango ulukalamba.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Mateo 11:8

Ndi cisi vivyo uzye mwaile kukulola cani? Uzye umuntu uwazwite insalu ziyembe? Awe! Antu akazwala wakwe vivyo ayao akazanwa mu masano.

Mateo 27:64

Acino pela ilamulo ukuti ilindi lilindwe kufika pa manda yatatu. Pano ndu tacisile vivyo, ale limwi alondezi yakwe yangiza iiye icala cakwe Yesu nu kunena antu yati watazyukuka. Kusomba ku kwakusyalikizya kwene kulaya ukwipisye kuluta kwankolelo.”

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.