Esita 4:3 - Amazwi Yakwe Leza 2013

³ Alino nu mu vitungu vyonsi namo kwene mwafisile impwelo yandosya izya Ayuda, alino nu kuizilizya ukulya. Aingi nayo yalalanga ala yatiyazwala ivisamu nu kuiswela nitwi.

Esita 4:3 ပူးပေါင်းရင်းမြစ်များ

Esita 1:1

Mu manda yakuteeka kwakwe Aasuwelo, umwene waku Pesya wateekanga vitungu 127 vya mpanga ukutandikila ku India mpaka ukufika nu ku Kusyi.

Esita 3:12

Walanga uwanda uwalenga ikumi na yatatu uwa mwezi wakutandika wafikila, yaama yakalemba ya kwisano nu kuyanena ukuti yalembe ivikalata ivya mpwelo, ukulingana ni lamulo lyakwe Hamani. Iya vilemba muli cila mutundu na muli cila lulimi ulukalandwa umu vitungu vyonsi ivya utesi wa ina Pesya. Alino yatuma kuli yakateeka ya vitungu vyonsi, uku alasi nu ku ntunguluzi zyonsi. Yalembile umwi zina lya mwene Aasuwelo. Yafwatikapo ni nsimbi ya mbalaminwe yakwe.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Esita 4:2

Asuka afika nu ku mpongolo ya mwene, nanti cali iciziliziwe ukupita kweneko ni visamu.

Esita 4:4

Akazyana atumikilanga Esita, pamwi naya mutungwi yakwe, nayo yiza yamulandila umulandu uo. Namwene nawe ali pakutumila Modekai ivyakuzwala ivyakuti azwala apakuti angazula icisamu cino azwite. Nawe wakana ukutoola ivyakuzwala vivyo.

Esita 9:31

Mwali na mazwi yamucincizyo wakusungisya amanda makulu yakwe Pulimu, ukulingana na manda yano Modekai Umuyuda pamwi na namwene Esita yapingwile ukuti avino yali nu kulacita alio kwene nga na ana yao alayalondela apacisila. Alino nu kulawaka nu kusunga intambi zyakukanalya nga nu kulosya.

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Ezaya 58:5

Lino mukuta ukulya, mukaicuzya sile mwe eneco, mukakontamika imitwe inu kwati amusanze wino watakunga ulumi, nu kulala pa visakati nu mwitwi, uzye mwemo mukuti ali kuta ukulya? Uzye uli wanda uno Yawe angatemwa, vwile?

Ezekelo 27:30

Yalasanzula izwi pa kulosya nu kupomola impooma ikalamba. Yene yalaiswela ulukungu ku mitwe nu kukunkula mwi twi.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Yona 3:6

Lino umwene waku Ninive uvwa ivintu vii, akatuka nu kufuma pa cilimba cakwe ca wene, azula nu mwingila wakwe uwa wene, nga azwala ni cakuzwala cakwe cakulanga ulanda nga aikala nu mulutukumbu.

Mateo 13:42

Lyene pacisila alayasumbila mwi lungu lya moto, muno yalalila nu kulumanya ncecete.

Mateo 22:13

Alino mwene anena aomvi yano alipo ati, ‘Munyepini makasa nga ni ngazo alino mumusumbile kunzi mu mfinzi, muno alalila nu kulumanya ncecete.’ ”

Mateo 25:30

Mwene atwalilila kuvwanga ati, ‘Sumbini muomvi wii mukasu kunzi mu mfinzi muno kulaya kulila nu kulumanya ncecete.’

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.