Esita 4:16 - Amazwi Yakwe Leza 2013

¹⁶ “Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Esita 4:16 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Utandiko 43:14

Si Leza Wamaka yonsi angalenga umuntu wiyo akaye na mizu panomuli, pakuti akamuwezezye munyonko wino wasyala pamwi na Benjamini. Lyene nemo ndi ukufwilwa kwa ana, kaciye vivyo kwene usi mulandu.”

2 Samueli 10:12

Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

2 Yamwene 7:4

Ndi twati katuswilile mu musumba, tumaya tukafwe uku nzala. Vyonsi nga twikala kuno, nalyo kwene tuli nu kufwa. Si katule twapita sile umu nsakwe zya ina Asilya. Pasi nacuze cino yangaya yakatucite ukuluta ukutukoma sile. Lelo limwi yatanga yakatukome.”

2 Milandu 20:3

Lilyo kwene Yeosafati auvwa intete nga aelenganya ukulenga amano kuli Yawe nu kupeela ilamulo ku antu yonsi umu mpanga yakwe Yuda kuti yatale yafunge ukulya.

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

Esita 4:15

Esita ali pakutuma intumi zuwazuwa kuli Modekai ati,

Esita 4:17

Modekai nawe ali pakufuma kweneko aya acita na vyonsi ndi muno Esita wamunenile.

Esita 4:3

Alino nu mu vitungu vyonsi namo kwene mwafisile impwelo yandosya izya Ayuda, alino nu kuizilizya ukulya. Aingi nayo yalalanga ala yatiyazwala ivisamu nu kuiswela nitwi.

Esita 5:1

Pa wanda wakwe citatu uwa kuleka ukulya, Esita azwala umwingila wakwe unamwene. Lyene aya aimilila umukasi ka musolo wakwisano, ala wataikala, asumvile na manso uku mulyango. Umwene Aasuwelo amuno wali, ala atenzi apa cilimba ca wene, watalozya ni cinso lwaku mulyango.

Esita 9:31

Mwali na mazwi yamucincizyo wakusungisya amanda makulu yakwe Pulimu, ukulingana na manda yano Modekai Umuyuda pamwi na namwene Esita yapingwile ukuti avino yali nu kulacita alio kwene nga na ana yao alayalondela apacisila. Alino nu kulawaka nu kusunga intambi zyakukanalya nga nu kulosya.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Yelemiya 36:9

Cali mu mwaka walenga isano, umwezi wakwe fundimbali, pano Yeoyakimu mwana Yosiya watandikile kuteeka mu mpanga yakwe Yuda. Ali lino antu yatiile ukulya pamulandu wakupapata Yawe. Fwandi antu yonsi yano yafumile mu misumba yamu Yuda na ina Yelusalemu yatiile ukulya.

Danieli 2:18

Lyene Danieli ayakonkomezya kuti yapepe kuli Leza wa kwiyulu kuti aye na mizu kunoyali nu kumulenga kuti ayalondolwele inkama pakuti yatakomwa kumwi na yampandamano amu Babiloni.

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Luka 9:24

Pano wino wensi akalonda kutuula umi wakwe wene alauponzya. Lelo wino wensi amaponzya umi wakwe pamulandu wane, wene alautuula.

Yoane 19:22

Pilato nawe aasuka ati, “Cino nati ndemba, nati ndemba.”

Milimo 10:7

Lyene mungeli uwalandananga nawe apita, nga Konelio aama aomvi yakwe yaili nga nu musilika. Musilika wii a wenga wamuli yao amutumikilanga nupya wali umuntu uwacitanga viine na ukapepa.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Milimo 27:33

Lyene lino wati waca, Paulo ayapapata kuti yalye, ayanena ati, “Mwalolelanga ukufika na manda ikumi na yani, nga amanda onsi mutalile nanti cimwi.

Milimo 9:9

Lyene watenzi manda yatatu kwaula kulola, ala asyakulya nanti kumwa cimwi.

Loma 16:4

Yene yatasakamile umi wao pamulandu wane. Nkutaizya kunoyali, asi nene nenga, lelo na mauvi yonsi ya Akulukuwa.

Filipi 2:30

pano wene nga waponzizye umi wakwe, nupya wali pipi nu kufwa pamulandu wa mulimo wakwe Klistu, kuti ampeele wazwilizyo uno mwemo mwaposiwe ku mpela.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

1 Samueli 19:5

Nupya wene atali ni ntete zya kufwa lino wakomile umwina Filisti. Yawe wacimvizizye aina Izlaeli, nawe waciweni nga uzanga. Uzye lyene pacani cino ungafyengela umuntu asi nu mulandu, apakulonda ukukoma Davidi apaula umulandu?”