Esita 4:1 - Amazwi Yakwe Leza 2013

¹ Walanga Modekai uvwa ivyacitike, alepola ivyakuzwala vyakwe, azwala ni vyakuzwala vya ndosya nga aivumvunya umwi twi. Atandika ukutawanta umu musumba, nu kutulula impoma ya ulanda.

Esita 4:1 ပူးပေါင်းရင်းမြစ်များ

Utandiko 27:34

Lino Esau uvwa vivyo alila nu kulosya kwa ulanda ati, “Tata, umpolelele nani kwene!”

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

2 Samueli 1:11

Lyene Davidi na antu yonsi yano wali nayo iyalepola insalu zyao apakulanga ulanda.

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

Esita 4:2

Asuka afika nu ku mpongolo ya mwene, nanti cali iciziliziwe ukupita kweneko ni visamu.

Esita 4:3

Alino nu mu vitungu vyonsi namo kwene mwafisile impwelo yandosya izya Ayuda, alino nu kuizilizya ukulya. Aingi nayo yalalanga ala yatiyazwala ivisamu nu kuiswela nitwi.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Ezaya 15:4

Aina Hesyiboni na Eleale ala yakukuuta impoma, zila zikuuvwika nu ku Yaazi. Nanti sile ivita navyo kwene vyazakazanga, ala yatiyaputuka imisana.

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Ezaya 37:1

Lino umwene Hezekiya uvwile umulandu, papo kwene alepola ivyakuzwala vyakwe apakulanga ulanda. Alino azwala ni visamu nga aya nu mu Ng'anda ikulu yakwe Yawe.

Ezaya 37:2

Lyene asenda Eliakimu, musika wakwisano na Syebina, kalemba wakwisano nga na akalamba yakwe yasimapepo. Alino ayatuma kuli kasema Ezaya, umwana umonsi wakwe Amozi, yonsi ala yazwite visamu.

Ezaya 58:5

Lino mukuta ukulya, mukaicuzya sile mwe eneco, mukakontamika imitwe inu kwati amusanze wino watakunga ulumi, nu kulala pa visakati nu mwitwi, uzye mwemo mukuti ali kuta ukulya? Uzye uli wanda uno Yawe angatemwa, vwile?

Ezekelo 21:11

Ulupanga lwati lukulumbilwa, pakuti luiteyanye ukuomba. Lwatilunyolwa, pakuti iminwe yakwe cikoma ilufumbate.

Ezekelo 21:6

“Caleka nawe we mwana wa muntu, isya umwenzo. Ucite kwati uli pakufwa. Tolomanga pakuti antu yuvweko.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Mika 1:8

Alino Mika avwanga ati, “Pamulandu wakwe vii ndalosya nu kupooma. Ndapita ukwaula cimwi ku ngazo nupya ndindizya. Ndawata wakwe nkusa nu kulila wakwe sinsimwe.

Zefaniya 1:14

Uwanda ukulu wakwe Yawe uli mupipi, watiupalama, ala pasi pakukalauka ukufika! Uvwini! Uwanda ulya uwanda wa malanda nu kulilizika, pano ni vita viposye vilapunda tutulwe.

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Milimo 14:14

Lino Banaba na Paulo yuvwa vino yakulonda kucita cii, yalepola malaya yao yasimula yaya mukasi ki umba, yalaizya yati,

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”