Esita 3:5 - Amazwi Yakwe Leza 2013

⁵ Walanga Hamani walola ukuti Modekai wakana ukumufukamila nanti ukumupeela umucinzi, wene pasi pakusoka!

Esita 3:5 ပူးပေါင်းရင်းမြစ်များ

Esita 1:12

Lelo namwene Vasyiti akana ukuzumila ulwamo lwa mwene. Mwene pali pakusoka sana cakuti ukali wakwe iwazikimila umu mwenzo ungati umoto.

Esita 3:2

Umwene wapile ilamulo ku yaomvi yonsi akwi sano, ilya kucindika nu kufukamila Hamani. Asyala yonsi avino yayezile ilamulo lilyo, suka sile Modekai wene wakanyile ukumufukamila nu kumupeela umucinzi.

Esita 3:4

Cila wanda yamuuzikisyanga, lelo wene akanilila sile. Wayasukanga ati, “Ala nemo nene Muyuda, ali cino ntange mfukamile Hamani.” Fwandi lyene yasusile yalondolwela Hamani apakuti yalole ndi cakuti angazumilizya ica musango ndi uo.

Esita 5:9

Uwanda uwa walanga Hamani akufuma umu ng'anda ya cimulo, ala watazanga nu kusansamuka. Alola Modekai, aimilile apa mpongolo ya mwene kusi nu kulanga umucinzi uno walinzile ukupeela Hamani lino akupita. Hamani fwandi wene pasi pakusokela Modekai.

Yobo 5:2

Icikonko cikakoma umuntu iciwelewele, ulunkumbwa nalo lukafyula umuntu uwaula amano.

Masamu 37:12

Umuntu mwipe wene akapangila umusuma, nu kumulumila incecete.

Mapinda 12:16

Ukusoka kwa ciwelewele kukamanyika zuwa, lelo uwa mano wene akasuula nanti yamutuke uli.

Mapinda 19:19

Umuntu walukang'ansi akailipilila apa uyi wakwe. Ndi cakuti wamwazwilizya, ala waicuzya sile, ulacita cico nalyuze.

Mapinda 21:24

Umuntu akaitutumula, uwa mitumfyo, ni zina lyakwe a “Moopo.” Ivicitwa vyakwe ivya cilumba icikalamba.

Kasambilizya 10:6

Uteeko ukapeela iviwelewele incito zicindame, akama yene iyapeelwa incito izyakuti cikulu incito.

Danieli 3:19

Lyene umwene Nebukadineza asokela Syadilaki, Mesyaki na Abedinego wakwe cimwi, nga afinya na pa manso ku mulandu nu ukali. Acino apeela ilamulo lyakuti yapembelele ilungu lili amaila cinimbali ukuluta vino yalipembelelanga lyonsi.