Esita 3:2 - Amazwi Yakwe Leza 2013

² Umwene wapile ilamulo ku yaomvi yonsi akwi sano, ilya kucindika nu kufukamila Hamani. Asyala yonsi avino yayezile ilamulo lilyo, suka sile Modekai wene wakanyile ukumufukamila nu kumupeela umucinzi.

Esita 3:2 ပူးပေါင်းရင်းမြစ်များ

Utandiko 41:43

Avino amukwezya na pi celeta lyakwe lya wene, nga asilika yapita inkolelo, yazuka yakupunda yati, “Fumini mu nzila.” Vii avino Falao wamucisile ukuya mulasi wa mpanga yonsi ya Eguputo.

Esita 2:19

Apa nsita ilya ino anaci atatala yamanya umonsi yakongine iila lyakwe ciili, alanga umwene wasonta mpiti Modekai ukuomba incito umu uteko wakwe.

Esita 2:21

Apa nsita ino Modekai waombanga umulimo wakwe ukwisano, alino yamutungwi yaili aombelanga ukwisano, wenga a Bigitana nu muze nawe a Telesyi, yene yasoka nga yumana akapi kuti yakome umwene Aasuwelo.

Esita 2:5

Umu musumba wa Susa mwatenzi mwenemo umuntu umwi Umuyuda. Izina lyakwe wali a Modekai, umwana umonsi wakwe Yaili, umwana umonsi wakwe Syimei, umwana umonsi wakwe Kisyi, uwamu luko lwakwe Benjamini.

Esita 3:1

Walanga papita akasita, umwene Aasuwelo acindamika Hamani umwana umonsi wakwe Hamedata, umwina Agagi. Amutumpula apapela nu kumupeela icifulo cikalamba ukuluta intunguluzi zyuze zino wali nazyo.

Esita 3:3

Lyene aomvi akwisano yuzya Modekai yati, “Uzye pacani cino wemo wakaniile ukuyela isunde lya mwene?”

Esita 3:5

Walanga Hamani walola ukuti Modekai wakana ukumufukamila nanti ukumupeela umucinzi, wene pasi pakusoka!

Esita 5:9

Uwanda uwa walanga Hamani akufuma umu ng'anda ya cimulo, ala watazanga nu kusansamuka. Alola Modekai, aimilile apa mpongolo ya mwene kusi nu kulanga umucinzi uno walinzile ukupeela Hamani lino akupita. Hamani fwandi wene pasi pakusokela Modekai.

Masamu 15:4

Awiyo wino akalolekesya umwipe ni misuula, lelo akacindika nu kutontela Leza. Wino ndi walapa asifutuka, nanti angailetelela umweneco.

Kufuma 17:14

Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”

Kufuma 17:16

Avwanga ati, “Katusini papela luunga lwakwe Yawe! Yawe amatwalilila kutulwila inkondo pakasi kitu na ina Amaleke amanda pe!”

Danieli 2:49

Ukuluta pali cico, Danieli alenga umwene kuti alasike Syadilaki, Mesyaki, na Abedinego pa wangalizi wa milimo imwi yamu muputule wa mpanga ya Babiloni. Lelo Danieli wene wasile akutumikila mu musolo wakwisano.

Malango 25:19

Acino lino Yawe Leza winu alamupeela impanga iye iyakwinu nu kumucingilila ku anisi inu yano yamuzinguluka, muce musininkizye ukuti mwakomola aina Amaleke yonsi pyu, pakuti kutakaye nanti umwi uwakwiusya antu yayo nupya. Mutakezye ukwilila cii!

Filipi 2:10

Pa kucindika zina lyakwe Yesu viumbwa vyonsi vya mwiyulu, pano pansi, nga na pansi ya nsi, vilamufukamila.

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”