Esita 3:1 - Amazwi Yakwe Leza 2013

¹ Walanga papita akasita, umwene Aasuwelo acindamika Hamani umwana umonsi wakwe Hamedata, umwina Agagi. Amutumpula apapela nu kumupeela icifulo cikalamba ukuluta intunguluzi zyuze zino wali nazyo.

Esita 3:1 ပူးပေါင်းရင်းမြစ်များ

Utandiko 41:40

Nakucita ukuya mulasi wa mpanga yane, na antu yane yalayela amasunde yako. Ndakuluta sile pamulandu wakuti nene indi mwene wa mpanga yonsi ya Eguputo.

Utandiko 41:55

Lino mu Eguputo monsi mwatandika kuya icipowe, antu yalilila Falao kuti ayapeele ivyakulya. Caleka Falao apeela ilamulo ku antu yakwe yonsi amu Eguputo ati, “Mwaya kuli Yosefu, nga vino amamunena avino mulondele.”

Ezila 7:14

Pasipano ne mwene pamwi ni nkombe zyane cinimbali, sweswe tukukutuma kuti ukalondelezye ivyaya umu mpanga yakwe Yuda nu mu Yelusalemu, pakuti tumanye ndi cakuti antu yakulondela ningo Amasunde yakwe Yawe Leza wako yano wayapeela.

Esita 1:14

Yampandamano ya mwene yali ndi vii: Kalisyena, Syetali, Adimata, Tasyisyi, Melesi, Malisena na Memukani, ni ntunguluzi cinimbali zyaku Pesya nu ku Medya azumiliziwe kwiza lolana nu mwene. Nupya yakweti ivifulo vikulu mu wene ulya.

Esita 3:10

Umwene apakuvwa vivyo azula imbalaminwe, iyakufwatikilapo insimbi, aipeela kuli Hamani umwana umonsi wakwe Hamedata umwina Agagi, wiyo uwali umwanisi wa Ayuda.

Esita 5:11

Nga Hamani atandika ukuitakizya apa ukama wakwe ni vyuma vyakwe. Apa ana yakwe aingi, na pali vyonsi vino umwene wamucindamika nu kumupeela icifulo cikalamba ukuluta apa alasi yonsi asyala na yamusika ya mwene.

Esita 7:6

Esita nawe aasuka ati, “Umwanisi witu uwatuzunya a Hamani, umunkalwe wiyo!” Lyene Hamani auvwa intete cuze apa manso ya mwene na namwene.

Esita 8:3

Esita aswilizya ukunena umwene, ale akukunkula apa ngazo zyakwe, akulila na minsozi. Alino amulenga ukuti angacita penepo cimwi ica kuvulunganya amapange yakwe Hamani umwina Agagi, yano wapingile ukukoma Ayuda.

Masamu 12:8

Pano antu aipe yakutuzinguluka umu mbali nu ukakasi nao iuvulisya umu antu.

Mapinda 29:2

Asuma ndi cakuti yateeka, antu yakasansamuka. Aipe ndi ayano yateeka, antu yakainong'onya.

Kasambilizya 10:6

Uteeko ukapeela iviwelewele incito zicindame, akama yene iyapeelwa incito izyakuti cikulu incito.

Danieli 6:2

Ukulunda pali yayo, wene wasonsile Danieli nayauze yaili kuti yaangalila alasi yaya nu kuwaka ivintu vya mwene.

Mpendwa 24:7

Amanzi yalafuma mu mbeketi zyao, cakuti ni mbezu zyao zilakontelelwa na manzi avulisye. Umwene wao alacindama ukucila Agagi, Nu wene wakwe ulaya ukatame.

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.

1 Samueli 15:8

Alema Agagi umwene wa ina Amaleke, nga akomola na antu yakwe yonsi pyu.