Esita 2:9 - Amazwi Yakwe Leza 2013

⁹ Umukazyana wiyo asuka azanzya sana Hegai cakuti wene amutemwisya, amukumbwa. Fwandi lyene, ali wino Hegai amapeelesya icakulya ni vyakuiyemvya ukuluta apa akazyana yauze. Atoola nu muputule usuma sana uwamu ng'anda yakwe yamangu, auno amupeela. Alino amupeela na aomvi cinimbali akuti yamuombela.

Esita 2:9 ပူးပေါင်းရင်းမြစ်များ

Utandiko 39:21

Lelo Yawe wacingililanga Yosefu nga nu kumupolelela. Cii, calesile kuti kalinda wa anyepwe umukalamba azangila muli Yosefu.

Utandiko 39:4

Potifa watemilwe Yosefu ni milimo yakwe, nga icalesile kuti amupe nu wangalizi pali vyonsi vino wakweti na pa ng'anda yakwe.

1 Yamwene 8:50

Uwayela antu uluse pa maifyo yao yonsi nu kusuula utalami wao onsi, nu kuleka kuti anisi yao yonsi yayatemwe nu kuyasakamala.

Ezila 7:6

Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.

Esita 2:12

Ulutambi lwakuyemvya akazyana ilingi lwasendanga umwaka upuma. Apa myezi mutanda akazyana yaipukusanga amafuta a vinyamuti, nga imyezi yuze mutanda yaipukusanga na mafuta acinunu cisuma amutengo ukalamba. Lyene insita ndi yafikila, akazyana yayo yayatwalanga wenga wenga uku mwene Aasuwelo.

Esita 2:3

Umu mpanga yonsi ino ukateeka leka yakulondele muli cila citungu, akazyana yaa yonsi ayembe sana. Yace yayakonganike muno kwene umu ng'anda yakwe yamangu umu musumba ukalamba uwa Susa, umu ng'anda ya enyi iya anaci. Wiyo alayasunga a Hegai, umuomvi uwapeelwa umulimo wakusunga akazyana. Uce uleke kuti yakafulale nu kupelwa ivyakuyayemvya vyonsi ivyalinga ukupelwa kunoyali.

Esita 5:2

Lino walola namwene Esita aimi mu musolo ulya, umwene akatusya intuwa ya wene iyembe, yakwe zaabu, nu kumusonta ni ntuwa iyo. Nawe fwandi ali pakukonzolola ikasa akumya insongo yakweyo.

Masamu 106:46

Wene aleka kuti yonsi yaya ayasenzile umu uzya yaye nu luse kunoyali.

Mapinda 16:7

Mikalile ya muntu ndi yazanzya Yawe, ala na anisi yakwe kwene yalamutemwa.

Danieli 1:9

Lyene Leza alenga kuti cilolo wilya asakamale Danieli nu kumuvwila uluse.

Milimo 7:10

nu kumupususya mu macuzi yakwe onsi. Wamupile amano nu kutemwikwa ku cinso cakwe Falao, mwene wa Eguputo, pano lino Falao wamuweni amucita kuti aye mulasi wa mpanga ya Eguputo nu kuya cinda wa vyakwi sano.