Esita 2:23 - Amazwi Yakwe Leza 2013

²³ Umwene nawe alondelezya umulandu, nga azana ukuti icacumi avivyo kwene. Fwandi lyene yayo yoili iyaya yayakulikila uku cimuti. Alino umwene akonkomezya kuti yalembe umulandu uu umu lupapulo, apa manso yakwe, mumo umwalembwa imilandu ya mpanga ino yacitikanga umu nsita ni nsita.

Esita 2:23 ပူးပေါင်းရင်းမြစ်များ

Utandiko 40:19

Mu manda yatatu Falao ale wakufumya mu ng'anda yaminyololo. Alino alapeela ilamulo kuti yakuputule umutwe, lyene umwili wako yalauning'inya ku muti ni vyunyi vilaulya.”

Utandiko 40:22

Lelo mukulu wakwe yakapanga ya mikate kwisano wene amukoma. Cali wakwe ndi vino Yosefu wailwile viloto vyao.

Ezila 4:15

pakuti yalondelezye umu mpapulo, yalole muno calembwa pa milimo ya vikolwe vitu. Mumazana ukuti umusumba uu, umusumba wa vicitwa iviipe, uwa utalami. Nupya lyonsi wayanga uwipe ku vicitwa vyakuli yamwene ya viputulwa vya mpanga. Nu musango wakusangukila uteko watandike uku mpiti sana, ku katalili sile. Icalenzile ukuti yawonone, yauongolole.

Esita 10:2

Ivicitwa vyakwe vyonsi ivya lulumbi nu ukangalume wakwe ukwika penepo ni vya ucindami wakwe Modekai wino umwene wacindamike, vyalembwa umu lupapulo lwa Milandu yakwe yamwene aku Medya nu ku Pesya.

Esita 5:14

Zelesyi umuci wakwe pamwi na auze yakwe yonsi yamutolelela iyati, “Si wemo yanga sile ukimike icimuti icitali icingafika nu ku mamita amakumi yaili na yatatu. Mutondo akatondo tondo uce ukanene umusambazi ukuti Modekai akulikwe sile. Alino muce muye uku cimulo pamwi nu mwene ni myenzo isansamuke.” Apakuvwa vivyo, Hamani pasi pakusansamuka. Apela ni lamulo lya kwimbila icimuti ukwakukulikila Modekai.

Esita 6:1

Usiku wa wanda kwene ulya, umusambazi ataweni napakusempwila utulo. Acino anena akuti yalete ulupapulo umwaya imilandu iyakwiusizya amasunde amilandu yampiti na mpiti. Iyatandika nu kuwelengela umwene.

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Yoswa 8:29

Alino akulika umwene waku Ai ku cimuti, nga amusya akulelemba kuku kwene mpaka lino ilanzi lyawa. Nga lino ilanzi lyawa, Yoswa ayapeela ilamulo lya kusamula icala nu kucifuntula pa wingililo wa mpongolo ya musumba ulya. Alino lyene iyalonga penepo umutumba ukulu wa mawe, uno uliko ukufika na pilelo kwene.