Esita 2:17 - Amazwi Yakwe Leza 2013

¹⁷ Walanga umwene walola sile Esita, pasi pakumutemwa! Amutemwa ukuluta akazyana yonsi yano waweni. Ali pakumuzwika ni ingala yakwe unamwene. Amusonta ukuya namwene uwakupyanikizya pali Vasyiti.

Esita 2:17 ပူးပေါင်းရင်းမြစ်များ

Esita 1:11

Ayakonkomezya ukuyasenda namwene Vasyiti, aize muno yali. Ayanena ukuti namwene Vasyiti afume watazwala icisote ca unamwene apakuti antu ni ntunguluzi zyonsi zize zilole kuyemba kwakwe. Vasyiti wali amama umusuma sana ukulola.

Esita 2:16

Lilyo cali umu mwaka uwalenga cinimbali uwa kuteeka kwakwe Aasuwelo. Umu mwezi walenga ikumi, umwezi ukaamwa Tebeti, ali lino Esita yamusenda ku kulola umwene Aasuwelo ukwisano.

Esita 4:14

Ndi cakuti wala wamyalala sile cele, apa kasita kaa, ukupusuka nu kukululwa kwa Ayuda kulafuma sile kuze. Alino wemo kumwi na amu ng'anda yakwe so yonsi, ilaya ali mpela inu. Ale lyene, uzye aweni angamanya cii icalenzile kuti wewe ufike na kuli unamwene?”

Esita 6:8

ungamuteyanyizizya insalu zya wene, zizi kwene zino we mweneco ukazwala. Nga alino lyene ulonde na punda wino we mweneco ukakwelapo. Alino ulete ni ngala ya wene ino ukazwala uku mutwe.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Ezekelo 17:24

Alino imiti yamu mpanga yonsi kwene ilamanya ukuti nene indi Yawe, nu kuti nene nkasinda imiti itali, nu kuleka imiti iipi aino italimpisye, nu kuti nene nenga nkaleka imiti iisi yauma nga nu kulenga ukuti imiti yume yalemba. Ee, anene ne Yawe nalanda nu kucita avino ndacita.”

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.