Esita 1:4 - Amazwi Yakwe Leza 2013

⁴ Umwene walangizye cuma cakwe na maka ya wene wakwe nu lulumbi lwa usambazi wakwe apa manda 180.

Esita 1:4 ပူးပေါင်းရင်းမြစ်များ

1 Milandu 29:25

Aina Izlaeli yonsi yalola ukuti Yawe watatumpula Solomoni. Wene amupeela uteko uwa lulumbi uno kutatazile kuya umwene muze uwa ukweti mu mpanga ya Izlaeli.

Esita 1:3

Umu mwaka wakwe citatu, uwa kuteeka kwakwe, wene wateyanyizizye vilolo vyakwe vyonsi, aomvi yakwe yonsi pamwi na yamusika ya vita vyakwe vyonsi vyaku Pesya nu ku Medya, icimulo. Ukwika penepo na yakateeka, na alasi amu miputule ya mpanga alalikwe.

Esita 1:5

Alanga manda yalya yapita, alino umwene aimula antu yonsi aikalanga mu Susa, umusumba ukalamba wa mpanga ilya. Cimulo cico cayelile mu calo cakwi sano pa manda cinimbali.

Yobo 40:10

Ndi cakuti cili vivyo, ale fwandi uizwike ululumbi nu ukankala, uizwike uwene alino nu mucinzi.

Masamu 145:5

Yene yalalanda pa lulumbi nu ucindami wako, nga nemo ndaelenganya pa milimo yako yakuzunguka.

Masamu 21:5

Ululumbi lwakwe lwayako apamulandu wakwe wewe. Wamupeela ukulumbuka nu usambazi.

Masamu 45:3

Kwapila ulupanga lwako, we lumba lya maka. Wemo wakwatisya amaka, nupya wacindamisya!

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Ezaya 39:2

Hezekiya nawe fwandi pasi pakutemwa, azengela ni nkombe zyakwe, azilanga na mang'anda akusungilamo ivintu vyakwe, ivili wakwe siluva, zaabu, ubani, vyakununkizya vyakulya, amafuta asuma, ni vyanzo vyakwe vyonsi ivya nkondo. Umwi sano lyakwe lyonsi nu mu mpanga mutasile akantu nanti kamwi kano Hezekiya atalanzile inkombe zizi.

Ezekelo 28:5

Wemo wali umulamoke mukucita uculuzi nupya watwalilile kukwata umuzano wakwe cimwi, ali cino uli ni cilumba pamulandu wa vyuma vyako.”

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Danieli 4:36

“Lino amano yane yawezile, ali lino nu mucinzi, nu usambazi wane, nga nu lulumbi lwa wene wane vyapilwe nupya kwene kunondi. Yampandamano yane kumwi ni vilolo vyane yanzengile, nga na maka yane autesi yapilwe nupya kunondi nu mucinzi ukalamba kuluta uno napiilwe inkolelo.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Mateo 4:8

Nupya Ciwa amusenda papela ya mwamba utali cuze, amulanga mawene amu nsi yonsi nu lulumbi lwakweyo.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Loma 9:23

Leza wacita cii pa kulanga lulumbi lwakwe lukulu kunotuli, swe muno watuyela mizu nu kutusolola kuti tukume ku lulumbi lwakwe lukulu,

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”