Esita 1:13 - Amazwi Yakwe Leza 2013

¹³ Calenzile umwene aame antu yamano yano yamanyikisye amasunde, pano ali vino umwene wacitanga pakupandwa amano ku antu amanyikisye amasunde nu upinguzi.

Esita 1:13 ပူးပေါင်းရင်းမြစ်များ

1 Milandu 12:32

Antu amu mutundu wakwe Isakali yano yamanyile ningo vino Izlaeli wali nu kucita, nga ni nsita ino wali nu kucitilamo vivyo, nayo yali intunguluzi 200, ukwika penepo na akazi kao yano yatungululanga.

1 Milandu 12:33

Antu amu mutundu wakwe Zebuluni, asilika ali a yanyela ku kulwa inkondo, nupya aiteinye ukuya ku kulwa ni vyanzo vya misango yonsi, nayo yali 50,000. Yaile ku kwazwa Davidi nu mwenzo onsi pyu.

Esita 1:12

Lelo namwene Vasyiti akana ukuzumila ulwamo lwa mwene. Mwene pali pakusoka sana cakuti ukali wakwe iwazikimila umu mwenzo ungati umoto.

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Danieli 2:12

Apa kwasuka vivyo, cii calenzile umwene ukusoka wakwe cimwi cakuti apeela ni lamulo lya kukoma antu yonsi amano umu Babiloni.

Danieli 2:2

Acino umwene atuma akuya aama amamanyamano, yakasapoola, alozi na yayo akasambilila vikumile intanda kuti yize yamunene iciloto cino walosile. Lino yene yiza yimilila inkolelo ku mwene,

Danieli 2:27

Danieli aasuka ati, “Musambazi, kusi umulozi, nanti mumanyamano wenga, nanti akasapola, nanti mpandamano wino angakunena cico.

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

Mateo 16:3

Alino katondo, mwiyulu ndi mwaenza, kuya ni cipupu, mwemo mukati, ‘Imvula imatonya pano mwiyulu mwaenza nu kufutika.’ Mwemo lino mukaceceta iyulu, mukalanda vino muza ulaya, lelo mutangamanya vikucitika ndakai!

Mateo 2:1

Pacisila lino Yesu wavyalwa mu musumba wa Betelemu mu Yudeya, mu manda yalya lino Helodi wali umwene, antu yamano amanyanga vintu mu kusambilila pa ntanda yafuma ku ufumondaka, iiza ku Yelusalemu.