Esita 1:10 - Amazwi Yakwe Leza 2013

¹⁰ Pa wanda wakwe cinimbali lino mwene Aasuwelo wazanzile cuze apacisila ca kumwa waini, wene wapile ilamulo ku antu yaa cinimbali: Meumani, Bizita, Halibona, Bigita, Abagita, Zetaala na Kalikasi, ali yamutungwi amutumikilanga.

Esita 1:10 ပူးပေါင်းရင်းမြစ်များ

Utandiko 43:34

Ivyakulya vimulwanga kunoyali ukufuma api tebulo lyakwe Yosefu, lelo Benjamini wimwilwe maila yasano ukuluta aina yakwe onsi. Caleka yalya nu kumwa yazanga pamwi na Yosefu.

2 Samueli 13:28

nga apeela ilamulo ku yaomvi yakwe ati, “Uvwini kuno! Mulolekesye lino Amunoni amakoleka waini, nga nani ndi niza napeela ilamulo nati, ‘Mukomini Amunoni,’ mwemo ukumukoma. Mutuvwa intete, foo. Uwo umulandu wane nene. Mwemo musipe sile.”

Esita 1:9

Apa nsita kwene iyo, namwene Vasyiti ateyanyizizya yamangu akwi sano lya mwene Aasuwelo icimulo.

Esita 3:15

Apa mulandu wakuti ilamulo lyafuma uku mwene Aasuwelo, yakapaso nayo iyakalauka zuwazuwa nu kuitela apa museo. Nakuno yatandikile ukufisya ilamulo uku musumba ukalamba kwene uku Susa. Lino ilamulo likufika, ale umwene na Hamani yatiyikala na pa matebulo yakulya nu kumwa, ali cino umusumba wakwe Susa wali umu cimvulunganya cimwi iciipisye.

Esita 7:9

Nga lyene wenga pali yamutungwi, uwi zina lyakwe Halibona avwanga ati, “Umu ng'anda kwene umwakwe ali muno Hamani umwisikulu kwene wasimpa icimuti icitalimpe, ukulingana na yamita amakumi yaili na yatatu. Wacisimpa apakuti akuno akulikile Modekai apamulandu na mazwi yano wavwanzile aku kutuula we musambazi!” Umwene apakuvwa vivyo wene apunda sile ati, “Akuno kamukulikilini!”

Mapinda 20:1

Waini akatumfya, nu wengwa ulume ukaleta ulwete. Na wiyo wensi akavilondelela, iciwelewele.

Mapinda 31:4

Uvwikisye, we mwanane Lemueli. Citalinga umwene ukumwa waini, nanti yakateeka ukukwata insuna ya wengwa. Citalinga yamwene ukukoleka foo.

Kasambilizya 10:19

Vimulo vingakusansamusya, alino waini nawe angakuzanzya. Lelo utange uzane vyoili vii ukwaula impiya.

Yakapingula 16:25

Lino yazanga mu myenzo yao, iyapunda yati, “Kaletini Samusoni aize atusansamusye.” Acino iyama Samusoni ukufuma mu ng'anda yaminyololo, nga nawe acita iviila pa manso yao. Nga lino yamwimika pakasi ka ncesi ziili,

Yakapingula 19:6

Acino yoili yikala pansi iyalya nu kumwa pali pamwi. Pacisila isi wa mukazyana avwanga ati, “Uzye mutange musendame kuno usiku nu kuilyokezya?”

Luti 3:7

Lino Boazi wamala ukulya nu kumwa, awe mukwai insansa izimwizila nga aya alambalala ku lutwe lwa mutumba wa mbezu zya mwata wa ngano. Luti afuma akunyanya, afika nu kuvimbula Boazi ku ngazo nga akuno alambalala.