Efeso 6:4 - Amazwi Yakwe Leza 2013

⁴ Mwe yakwasi namwe mutasosya ana inu, lelo mwayakuzya mu kuyasunda nu kuyasambilizya kwa wina Klistu.

Efeso 6:4 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

1 Milandu 29:19

Upeele Solomoni umwanane umonsi insuna ya kuyela amalamulo yako yonsi nga nu ku kukuulila Ng'anda ikulu ino natinteyanyizizya vii vyonsi.”

Mapinda 19:18

Kalipila umwanako lino acili umwance na mano yakwaluka. Ndi cakuti utacisile vivyo, ale lyene umaleka ayonone umweneco.

Mapinda 22:15

Ivicitwa vya uwelewele vyazula tupu umu mwana. Ali cino fwandi umukota ungazinga uwelewele wakwe ukutali.

Mapinda 22:6

Sambilizya umwana inzila yakupitamo. Lino alakota atalafuma mwenemo.

Mapinda 29:15

Umukota nu kukalipila vikapeela amano, lelo umwana ndi yamutazyela, ala yakumulolekesya sile, wene alaletela nyina insonyi.

Mapinda 29:17

Sunda umwanako nga nawe alakuletela umutende umu mwenzo, nu kukusansamusya umu mwenzo.

Ezaya 38:19

Apuma nupya aumi sile, ali yano yakakulumbanya, wakwe vikwene vino nemo nkucita ilelo. Akwasi ali yano yakalandila ana yao, ndi vino wemo waya uwa cumi.

Efeso 6:3

“Kuti vyonsi vikuzipile nga na manda yako yavule mu nsi.”

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Malango 6:7

Mwayasambilizya ku yana yinu. Mwayataka lino mutenzi pa ng'anda, lino muli pa lwendo, lino mukupuza na lino mukuomba.

Kolose 3:21

Mwe akwasi, namwe mutasosya ana inu, pano limwi yanganenuka.

2 Timoti 1:5

Nkaiusya utailo uwa mpomvu uno wakwata, nupya uno nyokokulu Loisi pamwi na nyoko Yunisi yakweti. Nkusininkizya ukuti nawe kwene ukweti.

2 Timoti 3:15

nupya ukaiusya ukuti kufuma lino wali mwana munono, wemo wamanya Malembelo Amuzilo, yano yangakupeela mano akukutungulula ku kukwata utailo muli Klistu Yesu kuti akutuule.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Yakapingula 13:12

Caleka Manoa amuuzya ati, “Lino amazwi yako yalafikiliziwa, uzye umwana wilya alasundwa uli nupya ivyani vino wene alacita?”