Efeso 6:3 - Amazwi Yakwe Leza 2013

³ “Kuti vyonsi vikuzipile nga na manda yako yavule mu nsi.”

Efeso 6:3 ပူးပေါင်းရင်းမြစ်များ

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Yelemiya 35:7

Mutaezya kukuula amang'anda, nanti kukomela imbezu, mutalema ivilimwa vya matingi nanti kulima vyalo. Mwaikala sile mu mataalu mu umi winu onsi apakuti muce mwikale amanda avule mu mpanga ino mwaya wa alendo.

Yelemiya 42:6

Ndi cakuti icakutuzipila nanti foo, tuluvwa izwi lyakwe Yawe Leza witu, wino twakutuma kweneko. Icakuti, apakuyela izwi lyakwe Yawe Leza witu tuce tukalole isyuko.”

Efeso 6:2

“Cindika so na nyoko” lili sunde lyankolelo ilyakwata ulayo ukati,

Efeso 6:4

Mwe yakwasi namwe mutasosya ana inu, lelo mwayakuzya mu kuyasunda nu kuyasambilizya kwa wina Klistu.

Malango 12:25

Ndi mutalalya uwazi, ale mwayela isunde lii, na Yawe alazanga, nga ni vintu vyonsi vilamuzipila mwemwe na amu mupanda winu.

Malango 12:28

Muce mwatekela nu kuyela amalamulo yonsi yano nkumupeela, nga ni vintu vyonsi vilamuzipila mwemwe na amu mupanda winu amanda pe, pamulandu wakuti mulacita icisuma icakuzanzya Yawe Leza winu.

Malango 22:7

Ungatola ana, lelo usininkizye ukuti nyina wa tunyi wapita, pakuti uce uye nu longo nu kwikala amanda avule.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Malango 6:18

Mwacita sile ivilungame ni visuma vino Yawe akalonda, nga lyene ivintu vyonsi vilamuzipila. Lyene mulaya na maka akupoka impanga ino Yawe walavile ivikolwe vinu,

Malango 6:3

Uvwikisini, mwe ina Izlaeli, nu kuyela amasunde! Ndi caya vivyo mulalola ukuti ivintu vyonsi vimamuzipilanga, nupya mulasanduluka cuze nu kwikala mu mpanga iya uzombozi ukulu cuze nupya iivunde, ndi vino Yawe umwisikulu, Leza wa vikolwe vitu, walavile.

Luti 3:1

Uwanda umwi Naomi, nyinavyala Luti, amuuzya ati, “Uzye intange nkulondele ing'anda kuno ulasungwa ningo?